CEO-të e mirë arsimuar dhe të profilit të lartë ndonjëherë bëhen sinonim me kompaninë e tyre si për shembull Steve Jobs dhe Apple, Mark Zuckerberg dhe Facebook, Jeff Bezos dhe Amazon. Është e vështirë të ndash njeriun nga ajo që ai bën.
Megjithatë, investimi në një kompani bazuar thjesht në udhëheqjen e saj mund të mos jetë strategjia më e mirë, sipas Warren Buffett.
Përkundrazi, siç tha ai në një intervistë me “Komisionin e Hetimeve të Krizave Financiare” në Maj të 2010, duhet të investoni në një biznes që çdo “budalla” mund ta drejtojë.
Kur u pyet nga FCIC se çfarë e tërhoqi atë në drejtimin e Moody’s – agjencisë së vlerësimit të kredisë që ishte në qendër të debatit të letrave me vlerë të mbështetura nga hipoteka – kur bëri investimin e tij fillestar, Buffett u përgjigj:
“Unë nuk dija asgjë në lidhje me menaxhimin e Moody. Unë gjithashtu kam thënë shumë herë se kur një menaxhim me reputacion të shkëlqyer lidhet me një biznes me reputacion ekonomik të keq, është reputacioni i biznesit ai që mbetet i paprekur.
Nëse keni një biznes mjaft të mirë, nëse keni një gazetë monopoli, nëse keni një rrjet televiziv – po flas për të kaluarën – siç e dinë të gjithë edhe nipi juaj “idiot” mund ta drejtojë atë. Dhe nëse ke një biznes vërtet të mirë, nuk përbën asnjë ndryshim.”
Natyrisht, ka disa dallime kur vjen puna te menaxhimi. Kushdo që ka pasur një shef të keq mund t’ua thotë këtë. Sidoqoftë, mënyra se si Buffett po mendon për këtë këtu, siç thotë ai në intervistë, është nëse 10 vjet më parë dikush zotëronte gazetën e vetme në qytet, atëherë ai është personi më i fuqishëm – dhe ky është një biznes i mirë.
Ai tha diçka të ngjashme me rastin e Moody’s, duke vënë në dukje se shumë pak biznese kishin pozicionin konkurrues që agjencitë e vlerësimit si Moody’s, Standard dhe Poor’s kishin.
Thënë qartë, kur u pyet nëse ai kishte pasur ndonjëherë presion për zgjedhjen e ndonjë anëtari të bordit, Buffett u përgjigj: “Nëse mendoja se ata kishin nevojë për mua, unë nuk do t’i kisha blerë aksionet.”
burimi: BusinessInsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
