Në ceremoninë e fillimit të prodhimit të fabrikës në qytetin gjerman Zwickau, morën pjesë drejtori i Përgjithshëm i Volkswagen Herbert Dies dhe kancelarja gjermane Angela Merkel.
Në një fjalim, fragmentet e të cilave u publikuan në internet, Dies tha se modeli ID.3 do të sigurojë “një kontribut të rëndësishëm në zhvillimin e ‘e-mobilitetit”.
“Kjo do ta bëjë lëvizjen individuale të gjelbër të arritshme për miliona njerëz dhe është një pikë kthese për kompaninë tonë në rrugën drejt neutralitetit të klimës deri në vitin 2050”, shtoi Dies.
Modeli ID.3 pritet të nisë “pothuajse njëkohësisht” në tregjet europiane verën e ardhshme, me versionin bazë që kushton më pak se 30,000 euro në Gjermani.
Lexoni gjithashtu:
Merkel dëshiron të ndërtojë 1 milionë stacione për mbushjen e automjeteve elektrike deri më 2030
VW planifikon të nxjerrë “gati 70 modele elektrike të reja” deri në vitin 2028 dhe do të shpenzojë mbi 30 miliardë euro për të elektrizuar portofolin e automjeteve të saj deri në vitin 2023.
Kompania njoftoi javën e kaluar se të ardhurat nga shitjet e saj nga janari deri në shtator të këtij viti arritën 186.6 miliardë euro, me 6.9 për qind më shumë se e njëjta periudhë e vitit të kaluar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
