Edhe pse shumica e punonjësve amerikanë nuk e duan, disa kompani të mëdha po kërkojnë që stafi të kthehet në zyrë plotësisht, pesë ditë në javë. Së fundmi, Stellantis dhe Home Depot i janë bashkuar kompanive si Instagram, Paramount dhe Amazon, të cilat po imponojnë rregulla të ngjashme për kthimin në zyrë.
Lexo gjithashtu: Çelësi i një jete të përmbushur? Ndjenja se u vlen të tjerëve!
Të dhënat tregojnë se vetëm 6% e të rinjve të Gjeneratës Z dhe 4% e millennials duan të punojnë plotësisht në zyrë. Shumica preferojnë modelin hibrid, që kombinon punën në zyrë dhe nga shtëpia. Megjithatë, tregu i punës po i detyron njerëzit të pranojnë rregullat e reja, pasi vitin e kaluar krijimi i vendeve të punës ishte shumë i ulët dhe papunësia afatgjatë u rrit.
Ekspertët paralajmërojnë se kjo mund të shkaktojë lodhje, stres dhe largim të punonjësve më të mirë. Profesorët e ekonomisë dhe karrierës thonë se rregullat e rrepta mund të detyrojnë punonjësit me përvojë të kërkojnë vende të tjera pune, duke ulur performancën dhe kreativitetin në kompani.
Megjithatë, disa drejtues argumentojnë se prania në zyrë ndihmon në përmirësimin e bashkëpunimit, kulturës së kompanisë dhe performancës së përgjithshme. Ted Decker, CEO i Home Depot, tha se angazhimi personal ndihmon stafin dhe nxit rezultatet.
Sipas ekspertëve, kompanitë që ofrojnë fleksibilitet, si puna hibrid, do të kenë më lehtë akses tek talentet më të mira, ndërsa ato që insistojnë për 5 ditë në zyrë rrezikojnë të humbasin punonjësit më të aftë dhe më të përvojës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
