Viti 2024 është quajtur ndryshe edhe si një vit i brishtë. Kjo për faktin se muaj shkurt ka 29 ditë dhe viti do të jetë me 366 ditë. Një herë në katër vjet, shkurti ka një ditë më tepër dhe sipas besëtytnive kjo gjë sjell ters.
Kalendari që ne përdorim është një kalendar diellor, i cili shënon kalimin e kohës pas lëvizjes rrotulluese të Tokës rreth Diellit. Por nëse kalendari ynë është normalisht 365 ditë, Tokës i duhen saktësisht 365 ditë, 5 orë, 48 minuta dhe 48 sekonda për të përfunduar rrotullimin rreth Diellit.
Kjo kohë e tepërt, nëse nuk plotësohet, në afat të gjatë do të çonte në një zhvendosje të sezoneve.Lexo: Historia sfiduese Gertës që bleu sallonin e bukurisë ku ishte punonjëse
Ndërsa sipas gojëdhënave dhe besimeve të hershme që nga periudha e Perandorisë Romake mendohet se quhet vit i brishtë, sepse kanë ndodhur ngjarje me pasoja katastrofike si tërmete të mëdha apo sulme të përgjakshme terroriste.
Përtej besëtytnive, kjo është një ditë e veçantë për të lindurit më 29 shkurt.
Kemi mirëpritur një vit “të brishtë”, i cili numëron 366 ditë dhe përsëritet çdo 4 vjet për të kompensuar një ditë të munguar, si pasojë e papërputhshmërisë mes kalendarit gregorian dhe kohëzgjatjes së rrotullimit të Tokës rreth Diellit.
Mospasja e viteve “të brishta” do të shkaktonte në perspektivën e shekujve një përmbysje të kalendarit. Kështu, festat standarte, sikurse është Krishtlindja, do të zhvendoseshin në stinë të tjera.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
