Startup-et miliarda dollarëshe në Europë po rriten më shpejt se rivalët e tyre në SHBA - Business Magazine Albania

Startup-et miliarda dollarëshe në Europë po rriten më shpejt se rivalët e tyre në SHBA


Në kundërshtim me atë që besohet masivisht, kompanitë miliarda dollarëshe teknologjike amerikane, të njohura në industrinë e teknologjisë si “unicorns“, po rriten më shpejt se rivalët e tyre në SHBA, gjë që ka dominuar teknologjinë për dekada të tëra në sajë të kompanive si Google, Facebook, Apple dhe Amazon.

Lexoni: Larry Luxner: Kosova, vendi më pro-amerikan në botë. Shteti i ardhshëm i startupeve

Fakti që unicorns Europianë po i tejkalojnë rivalët e SHBA u theksua në një raport të botuar të mërkurën nga firma bankare GP Bullhound, e cila ndihmon themeluesit e teknologjisë dhe sipërmarrësit për financime dhe blerje.

Tani në vitin e gjashtë, “Titans of Tech” i GP Bullhound thotë se vlera kumulative e startupe-ve unicorns të teknologjisë në Europë e themeluar pas vitit 2000, është rritur me 28% në vitin e kaluar, ndërsa vlera e unicorns amerikane është rritur me vetëm 20%.

Sipas raportit, i cili publikohet pothuajse çdo vit, 21 miliardë dollarë kanë dalë në Europë vetëm në vitin e kaluar nga startup-et teknologjike, duke e çuar numrin total të unicorns europianë në 84, nga 30 që ka qenë në vitin 2014.

Shumë prej unicorns të Europës panë vlerësimet e tyre të rriten në 2018, pasi investitorët anembanë botës investuan një rekord prej 28 miliardë dollarësh në to, sipas raportit. GP Bullhound deklaron se vlera e përgjithshme e ekosistemit teknologjik të Europës tani është 302 miliardë dollarë. Kjo 3.4 herë më shumë se sa ishte në vitin 2014, kur ajo vlerësohej në 89 miliardë dollarë. Është e mundur që IPO-ja e shërbimit muzikor suedez Spotify ka një ndikim të madh në këtë zhvillim.

Lexoni: Startup-et më të financuara në Europë, mes tyre dhe një shqiptar

SHBA dhe Kina ende dominojnë

Gjithsesi ka ende punë për të bërë. Kompanitë më të mëdha të teknologjisë në Europë janë ende mbrapa nga gjigantët më të mëdhenj të teknologjisë në SHBA dhe Azi. Në SHBA dominojnë Microsoft, Apple, Amazon dhe disa emra të tjerë të familjes. Kina ka kompani si Alibaba, Xiaomi, Tencent dhe Huawei. Japonia ka SoftBank dhe Korea e Jugut ka Samsung.

GP Bullhound parashikon se kjo do të ndryshojë në dy vitet e ardhshme. Në mënyrë të veçantë, ajo beson se Europa do të ketë një firmë të re teknologjike prej 50 miliardë dollarësh deri në vitin 2021 në formën e kompanisë Spotify ose Adyen, kompania e pagesave hollandeze. Kjo duket ambicioze, duke qenë se Spotify aktualisht ka vlerë 22 miliardë dollarë dhe Adyen ka vlerë 20 miliardë dollarë. Ata do të duhet të dyfishojnë vlerësimet e tyre në dy vitet e ardhshme nëse parashikimi i GP Bullhound do të realizohet.

Mungesa e gjigantëve të teknologjisë në Europë ka qenë prej kohësh një çështje e diskutueshme dhe raportet si ky shpesh pretendojnë se një histori e madhe e suksesit të teknologjisë europiane është vetëm një hap larg. Me përjashtim të korporatës softuerike gjermane SAP, e cila u themelua në vitin 1972, ende nuk ka një firmë teknologjike me vlerë mbi 50 miliardë dollarë në Europë.

Lexoni: WeWork, startup-i njëbrirësh ka vendosur të testojë tregjet publike

burimi: Forbes

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0