Startup-et japin zgjidhje të reja në tregun e sigurimeve


Investitorët kanë hedhur miliarda dollarë në startupet që merren me teknologjinë financiare. Ato njihen ndryshe me emrin “fintech”. Deri tani janë hapur qindra kompani të reja që po rimodelojnë mënyrën e pagesave, huamarrjes, brokerimit dhe analizës së të dhënave.

Gjithsesi, tregu i sigurimeve nuk është prekur akoma nga sipërmarrjet e reja të teknologjisë financiare. Kjo mund të ndryshojë në të ardhmen.

Tregu i sigurimeve është pak i vështirë për t’u depërtuar, për dy arsye kryesore. Më e rëndësishme është se ky treg ka proçedura të shumta. Tregu i sigurimeve shëndetsore në Shtetet e Bashkuara të Amerikës, mund të jetë tregu më burokratik në botë. Përpara se një kompani të hedhë në treg një paketë sigurimi, duhet të ketë shumë miratime nga zyrat e shtetit.

Të kalosh nëpër këto proçedura është e kushtueshme dhe të ha shumë kohë. Një kompani që themelohet sot, nuk mund të nxjerrë një paketë sigurimesh të paktën deri në vitin 2018 – thotë Mario Schlosser, drejtori ekzekutiv i Oscar, një kompani sigurimesh shëndetësore online.

Vështirësia e dytë është kapitali. Sipërmarrjet e reja të teknologjisë financiare zakonisht mbështeten nga investitorët për të paguar rrogat, zyrat, sistemet dhe nuk kanë një buxhet të madh. Shumë nga këto startup-e mundohen të shmangin asete me risk të lartë dhe shërbejnë në pjesën më të madhe të rasteve si ndërmjetës midis huadhënësve dhe huamarrësve, investitorëve dhe investimeve, ose dërguesve të parave dhe marrësve.

Kjo nuk funksionon për tregun e sigurimeve. Një kompani sigurimesh mban gjithmonë mbi vete risk. Gjithashtu klientët duan të kenë besim dhe ta kenë pranë gjatë gjithë kohës kompaninë e sigurimeve, gjë e cila është e vështirë të realizohet nga një startup.

Lemonade” është një startup amerikan që ofron paketa sigurimi nëpërmjet platformës “peer-to-peer”. Në këtë rast “Lemonade” luan rolin e ndërmjetësit. Disa sipërmarrje të reja në Evropë si “Guevara” në Britani dhe “Friendsurance” në Gjermani, përpiqen të shesin paketa sigurimesh ku risku merret përsipër nga miqtë. Këto kompani mendojnë se miqtë kanë më shumë informacion për sa i përket prirjes së aksidenteve të njerëzve.

/Artikulli u publikua më parë në faqen  të numrit 23 të revistës Business Magazine Albania. Ju mund të Shfletoni Këtu nr. 10 të saj.

Metromile,” një startup për sigurimin e makinave me qendër në San Francisco, ka marrë një kurs tjetër. Paketat e sigurimit nga ky startup janë të nënshkruara nga “National General,” një kompani sigurimesh. Tani, kjo marrëveshje e lejon Metromile të zgjerojë teknologjinë dhe të rrisë numrin e klientëve. Duke kaluar koha, me rritjen e fitimeve, Metromile mund të marrë përsipër më shumë rrezik.

Si çdo kompani sigurimi, Metromile synon të përzgjedhë klientë sa më pak të rrezikuar ndaj aksidentëve. Për kompanitë e sigurimit të makinave, kjo do të thotë përzgjedhja e atyre që bëjnë më pak aksidente.

Kompanitë e mëdha të sigurimit si “Progressive in America” dhe “Aviva” në Britani, kanë filluar të zhvillojnë aplikacione për të kontrolluar se sa të kujdesshëm janë në drejtimin e automjetit klientët e saj. Sa shpejt lëvizin dhe se sa fort i shtypin frenat, janë disa faktorë të rëndësishëm që përdorin këto aplikacione.

Metromile, ndryshe nga kompanitë e mëdha të sigurimit, mat miljet që përshkruan makina. Klientët paguajnë një tarifë prej $45-50 në muaj. Ka një lidhje direkte, deklaron Metromile, midis miljeve të përshkruara dhe shanseve për të bërë aksident. Llogariten rreth 75 milionë makina që dalin rrallë në rrugë në Amerikë. Kostoja e sigurimit të këtyre makinave është $73 miliardë në vit.

Ky shërbim i ri i Metromile, jo vetëm që kursen para, gjithashtu jep një shembull se startupet e teknologjisë financiare mund të përshtaten në tregun e sigurimeve shoqërore.

/Artikulli u publikua më parë në faqen  të numrit 23 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 10 të saj.

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale