Historia shkon në vitin 2007, kur Apple fillimisht paraqiti iPhone. Jobs e dinte se kishte një produkt që do të kishte një ndikim të madh në mënyrën se si njerëzit e përdorin teknologjinë – dhe gjithashtu do të kishte një ndikim të madh në fitimet e ardhshme të kompanisë së tij.
Lexoni: LIDHJA DASHURI-URREJTJE MIDIS BILL GATES DHE STEVE JOBS
Për fat të keq, Jobs kishte një problem të madh: iPhone nuk ekzistonte vërtet. Megjithatë, në Janar të atij viti, ai planifikoi të shfaqë iPhone-in për një audiencë në konferencën Macworld të kompanisë që përfshinte klientët, partnerët, mediat e teknologjisë … dhe botën. Gjithçka që duhej t’i tregonte ishte një model me të meta, të papërfunduar dhe disa ide të mëdha. Pra, çfarë bëri Jobs? Ai vendosi të mashtrojë audiencën e tij.
Sipas Shawn Knight, i cili shkroi për këtë histori në Techspot disa vite pas vdekjes së Jobs, iPhone në atë kohë ishte “i mbushur me gabime”. Çfarë lloj gabimesh?
“Për shembull,” shkroi Knight “, telefoni mund të luante një seksion audio ose video, por jo një klip të tërë pa ngecur. Nëse dërgonit një email dhe pastaj të shfletonit web-in, ajo do të funksiononte, por nesë bënit veprimin e kundërt ajo nuk do të punonte si më parë.”
Pa dyshim, Jobs kërkoi një zgjidhje që do të mashtronte audiencën. Ekipi i tij i zhvillimit krijoi një “rrugë të artë”, e cila ishte në thelb një procedurë e shkruar hap pas hapi, me karakteristikat që ai mund të tregonte në një mënyrë specifike në mënyrë që telefoni të mos funksiononte keq.
Por kjo nuk ishte e gjitha. Zhvilluesit e iPhone ende nuk i kishin rregulluar problemet e mëdha me menaxhimin e kujtesës së pajisjes që shpesh shkaktonte një restart. Zgjidhja e punës ishte që Jobs të mbante disa iPhone-ë në skenë dhe të kalonte nga njëri në tjetrin kur kujtesa zvogëlohej.
Lexoni: Ke dëshirë të jesh i pasur? Steve Jobs dhe Mark Cuban iu këshillojnë të veproni kështu
Në fund, pas pesë ditëve të praktikimit të vazhdueshëm, demonstratat e 90 minutëshes shkuan pa probleme dhe Apple së shpejti do të bënte historinë. Ishte “praktikisht një mrekulli“, sipas një inxhinieri të Apple në atë kohë.
Sigurisht, nuk kishte asnjë mënyrë që Jobs të ishte plotësisht i sigurtë se të gjitha karakteristikat që ai premtoi në iPhone do të punonin aktualisht në botën reale. Por ai gjithnjë mbeti përpara me demonstratën e tij të rremë. Pse? Sepse ai besonte se po bënte gjënë e duhur.
A i mashtroni ndonjëherë klientët tuaj? Sigurisht që e bëni. Shpresojmë që po e bëni këtë edhe ju për arsyet e duhura.
burimi: INC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
