Në muajin maj, grupi Alibaba njoftoi se të ardhurat vjetore ishin rritur me 56% në pothuajse 23 miliardë dollarë dhe në qershor investitorët zhurmuan duke rritur parashikimin e rritjes për 2017 nga 45% në 49%. Oferta e saj fillestare publike e vitit 2014 (IPO) ishte më e madhja në histori, duke u rritur 25 miliardë dollarë në bursën e New York-ut.
Në krye të tij është Ma Yun, sipërmarrësi 53 vjeçar i njohur si Jack Ma, i cili e nisi kompaninë me 17 të tjerë dhe 50,000 $ në apartamentin e tij në Hangzhou, një qytet afër bregut lindor të Kinës, i njohur për kodrat e gjelbra dhe Liqenin Perëndimor.
Por, fëmijëria e Ma ishte e thjeshtë: ai u lind në një familje të varfër dhe i0shte 6 vjeç kur Presidenti Richard Nikson u takua me Kryetarin Mao Zedong në vitin 1972. Një ngjarje e madhe gjeopolitike, e cila lidhi Kinën me SHBA dhe bëri që ajo të shndërrohej në fuqinë botërore që është sot. Ky takim ishte gjithashtu fillimi i ëndrrës së Ma.
/Artikulli u publikua më parë në faqen 58 të numrit 15 të revistës Business Magazine Albania. Ju mund të Shfletoni Këtu nr. 15 të saj.
Udhëtimi i tij nga një person i varfër në një miliarder e ka mësuar atë me dështimin dhe refuzimin. Ma tha se ishte një “humbës” në të tridhjetat e tij, këmbëngul që nuk është një ekspert i teknologjisë, u refuzua nga një punë në KFC, si kamerier hoteli dhe u refuzua tri herë kur aplikoi në universitet. Ai gjithashtu pretendon të ketë një ekspertizë të ulët në fushën e teknologjisë.
“Gjatë gjithë kohës që punova me të, ai gjithmonë e përshkroi veten si një manekin teknologjik. Gjithmonë thoshte se dinte të bënte vetëm dy gjëra, të dërgonte emaile dhe të përdorte browser-in për të kërkuar në internet. Pra, ai nuk është aspak një njeri i teknologjisë,” thotë ish-nënkryetari i Alibaba, Porter Erisman.
Sekreti i Ma? Botëkuptimi i tij për fuqinë e internetit në vendosjen së bashku të blerësve dhe shitësve dhe obsesioni i tij për të ndihmuar kompanitë e vogla, nëpërmjet tregut të eBay-it si Taobao, furnizuesit kryesor 1688.com dhe Alibaba.com, një vend B2B për tregtarët me shumicë. Grupi gjithashtu ka shërbime marketingu dhe një degë të huadhënies financiare duke përfshirë PayPal-si Alipay, që ka 520 milionë përdorues në mbarë botën.
Ndërmarrjet e tjera përfshijnë 51% në kompaninë e shpërndarjes Cainiao, e cila shpërndan 55 milionë pako të mrekullueshme çdo ditë dhe Alibaba Pictures, një ndërmarrje e përbashkët me Amblin Partners të Steven Spielberg.
“Ajo çfarë Jack Ma ka qenë në gjendje të bëjë është befasuese. Është po aq mbresëlënëse, apo më shumë mbresëlënëse, se veprat e Bezos, Zuckerberg dhe Musk.” – thotë Gil Luria, drejtor i hulumtimit në DA Davidson Co. Vlera neto e Ma është tani rreth 39 miliardë dollarë.
Një vizion i biznesit të vogël
Herën e parë që Jack Ma hyri në internet ishte në vitin 1995. Ai ishte në shtëpinë e një shoku në Seattle dhe iu afrua kompjuterit me shumë kujdes. Aty ai e kuptoi fuqinë që kompjuteri kishte.
Çfarë kërkoi ai? Kina. “Por asgjë nuk u shfaq. Kështu që ai tha me vete: “Nëse mund të vendos një kompani kineze në internet dhe t’u lejoj atyre të lidhen me njerëzit e biznesit në SHBA dhe vende të tjera, unë mund të krijoj një biznes relativisht të fuqishëm,” tha Erisman.
Kështu që Ma – atëherë një mësues i gjuhës angleze – lexoi libra biznesi për të mësuar rreth GE, Microsoft, IBM dhe Walmart. “Isha aq i interesuar për anglishten. Njerëzit lexonin libra, lexonin anglisht vetëm për të mësuar gjuhën angleze. Lexoja anglisht, sepse kam mësuar shumë ide interesante amerikane,” është shprehur Ma.
Katër vjet pas udhëtimit të tij të parë në SHBA ai themeloi Alibaba, por vetëm tre nga bashkëpunëtorët e tij dinin diçka rreth teknologjisë. “Unë e quajta veten në atë kohë si një njeri i verbër që hipën sipër tigrave të verbër. Pa ditur asgjë në lidhje me teknologjinë ose kompjuterin, nisëm kompaninë e parë,” tha Ma, në një event në Azi në vitin 2009.
Biznesi pati shitje të vazhdueshme. Kur Porter Erisman u bashkua me Alibaba në fillimet e saj, interneti ishte një përpjekje për të shitur fara magjike. Dhe ishte pikërisht ky djalosh, ky lloj mësuesi interesant që shkonte derë më derë për t’u treguar njerëzve se duhet të shpenzonin paratë e tyre, disa mijëra dollarë për të vendosur kompaninë e tyre në këtë gjë të quajtur internet.”
Ma do të udhëtonte në rrugët e Kinës, ku 100 ose 200 njerëz do të dilnin për ta dëgjuar, në një “lëvizje masive” që të bisedonte me pronarët e bizneseve dhe t’u mbushte mendjen atyre se përse kishin nevojë për t’u futur në internet.
Ai gjithashtu u mbështet në fuqinë e personalitetit të tij për t’i bindur njerëzit që të investonin. Ndërsa të tjerët dhanë plane të detajuara biznesi, ai thjesht u ngrit dhe bisedoi për historinë dhe vizionin e tij. Themeluesi i kompanisë japoneze të telekomunikacionit dhe investimit, SoftBank Masayoshi-Son, u takua me sipërmarrësit e Pekinit menjëherë pas themelimit të Alibaba dhe u impresionua nga Ma, duke i ofruar atij 40 milionë dollarë. Por Ma e refuzoi, duke thënë se do të merrte vetëm gjysmën.
Vizioni afatgjatë i Ma është i tillë që ai flet për kompaninë, e cila zgjat 102 vjet. Ai i tha një auditori në konferencën e Alibaba’s Gatewy se, “njerëzit thonë, ‘Pse 102 vjet?’ Sepse kompania jonë ka lindur në vitin 1999. Vitin e kaluar kishim një vit shekull. Këtë shekull, ne do të mbarojmë 100 vjet dhe shekullin e ardhshëm do të kemi një vit. 102 do të thotë për tre shekuj.”
“E vetmja herë kur e pashë atë të dyshonte në veten e tij ishte kur po pezullonte njerëz.” –thotë Porter Erisman, ish zëvendës president i Alibaba.
Ëndrra kineze e Ma
Ma e ndërtoi vizionin e tij duke patur si shembull kompanitë amerikane si Yahoo dhe eBay dhe i kaloi operacionet kryesore në Silicon Valley rreth vitit 2000, sepse ishte i bindur se kjo ishte mënyra më e mirë për të ndërtuar një biznes global. Por, rezultoi një “fatkeqësi”. Alibaba nuk mundi të gjente njerëzit e duhur.
“Sepse është shumë e vështirë të punësosh njerëz që njohin tregtinë në Silicon Valley, San Francisco. Pra, në vend të kësaj ne punësojmë njerëz nga New York, Miami, të gjithë që vijnë në San Francisko. Pas një muaji apo dy muajsh, kemi kuptuar se diçka ishte e gabuar …. sepse ata njerëz, ata e njohin tregtinë, por nuk dinë asgjë për internetin. Ata njerëz që nuk e njohin internetin, nuk dinë asgjë për tregtinë. Stafit iu ofruan si kompensim para ose aksione, por të gjithë vendosën që të merrnin para”, thotë Ma.
/Artikulli u publikua më parë në faqen 58 të numrit 15 të revistës Business Magazine Albania. Ju mund të Shfletoni Këtu nr. 15 të saj.
Në vitin 2003, Alibaba vendosi të nisë një treg si eBay: Taobao. Për të filluar, kjo ishte një lëvizje mbrojtëse për të ngadalësuar marshimin e kompanisë amerikane eBay në Kinë. “Dëgjo, kemi një projekt të fshehtë. Ju do të duhet të ktheheni në apartamentin origjinal Alibaba,” u tha Ma stafit. “Do të duhet të punoni në izolim. Ju nuk mund t’u tregoni miqve tuaj. Nuk mund t’u tregoni familjes tuaj. Nuk mund t’u thoni edhe punonjësve të tjerë të Alibaba për këtë.” Kushti ishte që ata të jepnin dorëheqjen nga Alibaba dhe e bënë këtë pa e ditur se çfarë ishte projekti.
“Përgjegjësia sociale është çelësi. Çfarëdo që bëjmë ne përpiqemi të sigurohemi që shoqëria është e mirë.”
Dallimi kryesor i Taobao ishte se nuk i tarifonte shitësit apo blerësit, kështu që nuk kishte një model të të ardhurave për të filluar. Por, Ma ishte i bindur se nëse i vendosnin blerësit dhe shitësit së bashku dhe shitësit të bënin para, atëherë edhe site do të bënte para.
Nuk ishte biseduar për një partneritet me eBay, por pastaj Ma tronditi botën e biznesit duke bërë një marrëveshje me Yahoo në vitin 2005, ku kompania amerikane investoi 1 miliard dollarë në Alibaba. Por, në fund ajo nuk funksionoi. “Politika themelore e të dy vendeve ishte lloji i destinuar për të copëtuar kompanitë veç e veç. Ju nuk mund të keni një kompani amerikane si Yahoo, e cila pasqyron ideale perëndimorë, duke bashkëpunuar në baza të barabarta me një kompani kineze që duhet të përputhet me rregulloret politike kineze. Ka pasur gjithashtu një mosmarrëveshje me Yahoo në vitin 2011 kur akuzoi Ma për transferimin e pronësisë së Alipay në entitetin e tij, pa u treguar aksionarëve.
Alibaba gjithashtu ka një avantazh për shkak se kompanitë e mëdha amerikane Google dhe Facebook janë bllokuar në Kinë (edhe pse të dy thuhet se shpresojnë të hyjnë në vend vitin e ardhshëm).
Iniciativat e Alibaba
Këtë vit është parë që kufijtë e Alibaba janë shtrirë në fushën e modës, pagesave dhe hulumtimeve. Në qershor, dega e saj Alipay nisi një shërbim “buzëqeshje për të paguar” në degët e KFC-së në Kinë, duke përdorur teknologjinë e njohjes së fytyrës dhe në tetor filmoi shfaqjen e modës “Show Now Buy Now” për faqen e saj Tmall. Kjo shfaqje u transmetua në TV si dhe në faqen e internetit Youku të Alibaba. Në tetor, Jack Ma gjithashtu lançoi Akademinë Alibaba DAMO, një laborator kërkimor teknologjik prej 15 miliardë dollarësh, që mbulon IoT dhe informatikën kuantike.
Ëndrra globale
Jack Ma filloi të studionte tai chi në vitin 1988 dhe zbaton disa nga mësimet e tij në vendimet që merr gjatë jetës së përditshmë mbi strategjitë dhe menaxhimin e biznesit. Ai është adhurues i tai chi dhe do të shfaqet në një film të shkurtër me yje të arteve marciale duke përfshirë Jet Li, që transmetohet në faqen e video streaming të Youku, Alibaba.
Por, Ma dëshiron më shumë: Në fillim të këtij viti ai shkoi në SHBA, takoi Presidentin Donald Trump ku të dy ishin fotografuar duke buzëqeshur jashtë Kullës Trump në New York. Ai tha se të dy diskutuan planet e Alibaba për të mbështetur 1 milion vende pune amerikane gjatë pesë viteve të ardhshme dhe ai dëshiron “produkte të bëra në Amerikë” për t’u shitur në Kinë.
Ma shikon një ndryshim në mënyrën se si mallrat konsumohen në mbarë botën. “Them se në këto 30 vite konsumi i brendshëm i Shteteve të Bashkuara nxit ekonominë globale dhe mbështet shumë biznese të vogla në Amerikë ose Kinë për të shitur produkte në nivel global. Sot, kërkesa e brendshme dhe fuqia e Kinës do të drejtojë miliona e miliona biznese të vogla në nivel global,” tha ai për Faberin.
Por, Ma është gjithashtu i shqetësuar për një botë ku inteligjenca artificiale dhe robotët marrin punët e njerëzve – dhe bizneset duhet të përshtaten me të. Ai shprehet se është duke udhëtuar shumë, duke biseduar me të gjithë qeverinë dhe udhëheqësit e shtetit dhe duke u thënë atyre të lëvizin shpejt. Nëse ata nuk lëvizin shpejt, do të ketë probleme. “Kur shohim se diçka po vjen, ne duhet të përgatitemi tani. Besimi im është që ju duhet të riparoni çatinë ndërsa është ende funksionale.”
Ai paralajmëroi se ndërsa bizneset e mëdha aktualisht mbizotërojnë industrinë, shekulli i ardhshëm do të jetë më shumë për kompanitë e vogla.
“Pra, si mund t’i fuqizojmë bizneset e vogla? Ne e dimë se bizneset e vogla jo vetëm që mund t’i shesin gjërat e tyre në fshatin, vendin apo qytetin e tyre, por me fuqinë e internetit, ne mund t’i ndihmojmë ato të shesin nëpër botë.”
Alibaba gjithashtu njoftoi një partneritet me kompaninë e prodhimit të filmit të Steven Spielberg, Amblin Partners në Tetor të vitit 2016. 49.5 % e Alibaba Pictures është në pronësi të Alibaba Group dhe do të krijojë përmbajtjen e vet si dhe shpërndarjen e saj në Kinë.
Cloud është padyshim diçka që ata kanë ndjekur ashtu si Amazon, por ata po përpiqen të kombinojnë tregtinë me mediat sociale në një mënyrë që nuk është parë kurrë më përpara. Pra, do të ishte më shumë një kombinim i Facebook dhe Amazon në këtë drejtim.
Alibaba e sheh qëllimin e tij shumë më gjerësisht se Amazon dhe eBay. Ata e shohin qëllimin e tyre më shumë si kombinimi i Amazon, Facebook, Google dhe Netflix.
10 Shtator 1964
Ma Yun (i njohur si Jack Ma) lindi në Hangzhou të Kinës
1988
U diplomua nga Universiteti Normal i Hangzhou për Anglisht
1995
Jack Ma udhëton në Seattle ku ai “zbuloi internetin”
1999
Themeloi Alibaba Group nga apartamenti i tij në Hangzhou, me 17 persona të tjerë.
2000
Merr 20 milionë $ nga investitorët, udhëhequr nga SoftBank
2003
Lançoi Taobao, që është e ngjashme me eBay
2004
Themeloi Alipay, një sistem pagesash i ngjashëm me PayPal
2005
Yahoo investon 1 miliardë $ në Alibaba
2008
Lançon Tmall, e cila shet mallra marke për konsumatorët
2009
U lançua Alibaba Cloud
2010
Lançohet faqja e internetit AliExpress, ku kinezët mund të shesin mallra në nivel global
2013
Rrjeti Cainiao lançohet nga Alibaba dhe partnerët, një sistem logjistik që tani ka 55 milionë paketa në ditë
2014
Themelohen shërbimet Ant Financial, kompani mëmë e Alipay
2014
Alibaba vlen 25 miliardë dollarë në bursën e New York, oferta më e madhe publike në histori
2016
Lançon Alipay Everywhere, i cili u lejon njerëzve të gjejnë dhe paguajnë për shërbime nga pranë tyre
2016
Alibaba Pictures mbyll marrëveshjen me Amblin Partners të Steven Spielberg
9 Janar 2017
Ma takohet me presidentin e zgjedhur, Donald Trump
9 Janar 2017
Yahoo riemëron aksionet e saj prej 15% në kompaninë Altaba, pasi Yahoo blihet nga Verizon
20 Qershor 2017
Alibaba mban konferencën inauguruese Gateway në Detroit, Michigan, për të ndihmuar bizneset e vogla të shesin mallra në Kinë
8 Shtator 2017
Ma shfaqet në festimin e 18-të të ditëlindjes së Alibabës i veshur si Michael Jackson para 40,000 personave
/Artikulli u publikua më parë në faqen 58 të numrit 15 të revistës Business Magazine Albania. Ju mund të Shfletoni Këtu nr. 15 të saj.
Më poshtë po ju tregojmë disa nga divizionet e saj të biznesit.
Alibaba Group
Kjo përfshin faqet e internetit e-commerce Alibaba.com dhe Taobao, si dhe Alibaba Cloud dhe Youku Tudou, një site video i stilit të YouTube.
E-commerce
Kjo përfshin Alibaba.com (faqe për shitje me shumicë), Taobao (një marketplace, si eBay), TMall (një vend me pakicë për mallrat e markës), Aliexpress (njerëzit në Kinë mund të shesin në nivel global) dhe 1688.com (një tjetër faqe me shumicë).
Alibaba Cloud
Alibaba Cloud u themelua në vitin 2009 dhe ofron shërbime për shitësit në tregjet Alibaba, startup-et, bizneset dhe qeveritë dhe është partneri i shërbimeve cloud i Komitetit Olimpik Ndërkombëtar.
Mediat digjitale dhe argëtimi
Kjo përfshin Youku Tudou, site-in e YouTube-it të Alibaba, por jo Alibaba Studios, që është një ndërmarrje e përbashkët me Amblin Partners të Steven Spielberg.
Shërbimet Ant Financial
Filiali i shërbimeve financiare të Alibaba, Ant Financial siguron financa për bizneset e vogla, si dhe Alipay, shërbimin e pagesave të tij si PayPal.
Anatomia financiare e Alibaba Group
Grupi Alibaba përbëhet nga disa faqe interneti, platforma dhe një degë e cloud computing. Shumica e të ardhurave të vitit 2016-ës erdhi nga faqet e saj kineze e-commerce.
“Kur ju shikoni Alibaba në ditët e para, shumica e dizajnit të website dhe shumë gjëra të tjera u huazuan nga Yahoo. Sepse Jerry Yang ishte një frymëzim për Jack.”
10 thënie të paharrueshme nga Jack Ma
- Mbi të paturit misionin më të lartë
“Nuk ka rëndësi nëse dështova, të paktën e kalova konceptin tek të tjerët, edhe nëse nuk kam sukses, dikush do të ketë sukses.” - Për konkurrencën
“Duhet të mësoni nga konkurrentët tuaj, por asnjëherë mos kopjoni. Kopjoni dhe do të vdisni.” - Për punën në grup
“Nëse ne jemi një ekip i mirë dhe e dimë se çfarë duam të bëjmë, njëri prej nesh mund të mposhtë dhjetë prej tyre.” - Mbi përfitimin nga absurditeti i tij teknologjik
“Njerëzit inteligjentë kanë nevojë për një ‘budalla’ për t’i udhëhequr ata. Kur ekipi është një grup shkencëtarësh, është mirë që një fshatar të udhëheqë rrugën. Mënyra e tij e të menduarit është e ndryshme. Eshtë më e lehtë të fitosh nëse ke njerëz që shohin gjëra nga perspektiva të ndryshme.” - Mbi nisjen e kompanisë
“Nëse doni të rriteni, gjeni një mundësi të mirë. Sot, nëse dëshironi të jeni një kompani e madhe, mendoni se çfarë problemi social mund të zgjidhni.” - Mbi punën
“Nëse shkojmë në punë në orën 8 dhe kthehemi në shtëpi në orën 5, nuk pasqyron modelin e një kompani të teknologjisë së lartë dhe Alibaba nuk do të ishte kurrë e suksesshme. Nëse ne kemi këtë lloj shpirti 8 me 5, atëherë duhet të bëjmë diçka tjetër.” - Për të mos hequr dotë
“E sotmja është mizori, e nesërmja është çmenduri dhe dita pas së nesërmes është e bukur.” - Për këmbënguljen
“Do ta bëjmë, sepse jemi të rinj dhe nuk do të dorëzohemi kurrë.” - Për rritjen
“Në tregtinë e-commerce, gjëja më e rëndësishme është të vazhdoni të bëni atë që po bëni me pasion, për ta mbajtur atë sa më lart.” - Nga gabimet e së shkuarës
“Nëse nuk hiqni dorë, ju keni ende një shans dhe kur jeni i vogël duhet të jeni të fokusuar dhe të mbështeteni në trurin tuaj, jo në forcën tuaj.”
/Artikulli u publikua më parë në faqen 58 të numrit 15 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 15 të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
