Post Startup Grind, Edi Demaj: “Kam ardhur të t’a bëj jetën më të mirë. Nëqoftëse nuk beson, provo.”


Eventi i rradhës i Startup Grind Tirana u bë më 16 Nëntor në Protik Innovation Center dhe i ftuar ishte Edi Demaj nga Rocket Fiber. Në këtë event morën pjesë mbi 30 pjesëmarrës me qëllimin për të dëgjuar të gjithë eksperiencën e tij si sipërmarrës.

Edi Demaj është një djalë 31 vjeçar nga Kosova, sipërmarrës i lindur, i cili është bashkë-zhvillues dhe partner në disa projekte online dhe bashkë-themelues i Rocket Fiber, një rrjet interneti me fibër-optike për gjeneratën e ardhshme në Detroit.

Gjatë kohës që ka qenë në Detroit, ai bashkë-themeloi disa startups, njëri prej tyre ishte iziSurvey, një startup që ofron sondazhe online dhe offline për të mbledhur të dhëna në kohë reale me kosto shumë të ulët.

Ai gjithashtu bashkë-themeloi Reozom, një platformë marketingu të pasurive të patundshme që e bën blerjen dhe shitjen e shtëpive më të lehtë, më të thjeshtë dhe më të përballueshme se kurrë më parë në Amerikë.

E fundit por jo më pak e rëndësisshme, ai është partner në motorrin e kërkimit të parë shqiptar Gjirafa.com, një platformë që po ndryshon mënyrën se si shqiptarët zbulojnë dhe përdorin informacionin dhe si të bëjnë biznes mes tyre.

Ne si staf i Business Magazine Albania ishim pjesë e këtij eventi, ashtu siç do të jemi edhe në të gjitha eventet e tjera të organizuara nga Startup Grind Tirana, jo vetëm si partner mediatik por edhe për të mësuar më shumë mbi botën e sipërmarrjes. Është një mundësi shumë e mirë jo vetëm për sipërmarrësit apo startupet por për të gjithë të rinjtë të cilët aspirojnë të futen në botën e sipërmarrjes dhe inovacionit.

Tashmë nuk do të jetë më Endri Mataj ai që do të drejtojë Startup Grind Tirana. Ai do të zevendësohet nga Gerti Boshnjaku dhe Aneida Bajraktari. Gerti Boshnjaku është CEO dhe themelues i New Media Communications; një kompani marketingu e specializuar në Marketingun Dixhital, dizajnin & zhvillimin e faqeve të internetit etj. Sfida e tij e fundit është lançimi i projektit-startup në median dixhitale e quajtur Business Magazine Albania www.businessmag.al

Gjatë intervistës me Edin, ai na tregoi më shumë për jetën e tij, si kishin shkuar në SH.B.A gjatë viteve 1999, në kohën e luftës në Kosovë, ku kishin gjetur mbështetje dhe si kishte rrjedhur jeta e tij studentore në Detroit. Ai tregoi për punët e tij të para, projektet e para, përballja me një shtet të huaj apo dhe mundësitë që i ka ofruar Detroit-i.

“Duhet të bësh diçka që bën para,” – tha ai. “Paraja është motivuese por është shumë e lehtë të thuash dua të bëj para. Duhet të jesh i kujdesshëm sepse mund të të ndryshojë mënyrën se si e mendon jetën.”

Money follows but doesn’t lead është filozofia ime për jetën tha Edi.

“Duhet të bësh diçka që me të vërtetë e dashuron, që do të japë impakt në botën tonë. Paratë do të vijnë shumë shpejt. Atë gjë duhet t’a bësh mirë, më mirë se konkurrentët, më pas vijnë klientët dhe në fund vijnë paratë. ”

“Ndiq planin A në projektin tënd, mos mendo për planin B. Fokusohu 100 % aty. Kjo sepse nëse ke plan B, nuk punon për planin A, por për B.”

Ai tregoi gjithashtu për Rocket Fiber, kompaninë e internetit më të shpejtë në Detroit, si nisi ajo, nga erdhi ideja për t’a krijuar dhe të gjitha vështirësitë që kishin hasur për të gjetur investimin që i nevojitej. Edi vuri theksin në rëndësinë e proçesit të “pitch” për një kompani të re. Këtë e demonstroi me mënyrën e tij kur shkonte për të prezantuar Rocket Fiber tek klientët potenciale:

“Kam ardhur të t’a bëj jetën më të mirë. Nëqoftëse nuk beson, provo.”

“Kur e ke internetin e shpejtë, ia di vlerën më shumë sesa nuk e ke. Kur largohesh nga ajo, të pengon jashtëzakonisht shumë në punën tënde.”

“Biznesi është gjëja më e vështirë që mund të bësh në jetë për mendimin tim” shtoi ai.

“Kam dëgjuar shpesh persona që thonë se kam 1 ide por nuk kam para. Idetë nuk marrin investime. Kjo është shumë e rëndësishme. Idetë nuk marrin investime as në Shqipëri, as në Kosovë, as në SHBA, askund. Nëse e ke produktin e mirë dhe një plan konkret ateherë do të marrësh investim. “

Në fund, si çdo rradhë u bënë pyetje nga pjesëmarrësit, dukë mësuar edhe më shumë prej tij.

Nëse dëshironi mund të shikoni videon live KËTU.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale