Më poshtë po ju prezantojmë folësit e këtij edicioni:
Heimo Hammer ka studiuar në Universitetin e Ekonomisë dhe Administrimit të Biznesit në Vienë me një fokus të veçantë në fushën e marketingut, reklamimit dhe teknologjisë së informacionit. Ai jeton në Vjenë dhe punon në Nis, Londër dhe Vjenë. Në vitin 1990 ai themeloi Kraftwark si një agjenci krijuese me shërbime të plota dhe marketing dixhital. Në 27 vitet e fundit, Heimo Hammer dhe ekipi i tij kanë lançuar më shumë se 2.000 fushata reklamuese dhe më shumë se 2.500 projekte dixhitale për klientë si Redbull, Coca- Cola, Unicredit, Lufthansa, Deutsche Börse, Pizza Domino, Opel, Rewe, Eni, Cyrih etj.
Lexoni: Heimo Hammer është folësi i parë i edicionit të 2-të të konferencës së marketingut dixhital AllWeb
Peter Szanto – Një individ krijues, folës në TEDx dhe themelues i SpringTab. Në AllWeb ai do të ndajë njohuritë e tij se si të përmirësoni performancën tuaj në internet duke parë dhe kuptuar se për çfarë janë të interesuar vizitorët tuaj. Ai do të thellohet më tej në matje dhe optimizim me qëllim që t’u tregojë kompanive se si të kuptojnë se çfarë duan njerëzit dhe të marrin përfitime më të larta nga aktivitetet e tyre në internet.
Lexoni: Peter Szanto, themeluesi i SpringTab, është folësi i dytë i AllWeb Albania
Ivan Brezak Brkan është themeluesi dhe redaktori icom, i cili e filloi karrierën e tij të gazetarisë teknologjike duke shkruar për TechCrunch dhe revista të ndryshme teknologjike / biznesi kroate, por gjithashtu këshilloi kompani si Microsoft dhe Kolektiva për praninë e tyre në internet. Ivan është anëtar i komisionit të ri të medias të Komitetit Olimpik Kroat.
Lexoni: Ivan Brezak Brkan, “aristokrati i internetit” është folësi i radhës në AllWeb Albania 2017
Ketan Makwana është një folës ndërkombëtar shumë i njohur i TEDx, sipërmarrës serial dhe mentor i cili e ka nisur rrugëtimin e suksesshëm të bizneseve të tij 7 vite më parë. Si rezultat i hendekut të aftësive që ekzistonte midis edukimit të punonjësve dhe sipërmarrësve, Ketan lançoi ‘Enterprise Lab’ e cila është shndërruar në një agjenci mbështetëse për Zhvillimin, Sjelljen & Qëndrimin për më shumë se 100.000 njerëz kudo në botë.
Nathan Ott është autor i The DNA Of A Game Changer dhe The DNA Of A Game-Changing Team, si dhe bashkë-themelues dhe shef i polarëve në The GC Index®, i vetmi instrument dixhital për të identifikuar, vlerësuar dhe zhvilluar korporatën Game Changers pavarësisht moshës, gjinisë, rracës dhe nivelit. Duke punuar me një sërë organizatash tregtare dhe jofitimprurëse, Nathan i ndihmon punonjësit të kuptojnë se si mund të kenë ndikim dhe gjithashtu ndihmon drejtuesit të krijojnë ekipe dhe kultura që sjellin zhvillim.
Lexoni: Çfarë mund të mësoni nga Nathan Ott në AllWeb Albania?
Anke den Ouden – Menaxhere e Përgjithshme e Microsoft për Europën Qendrore dhe Lindore. Anke ka qenë pjesë e Microsoft për 20 vjet dhe ka ndërtuar aftësi të forta drejtuese në fushat e Menaxhimit të Biznesit, Marketingut dhe Shitjes. Ajo e filloi karrierën e saj në vitin 1997 në Marinën Gjermane në Financë, duke u kujdesur për prokurimin e marketingut, më pas marketing dhe rolet e shitjes – më pas u zhvendos në Microsoft EMEA në 2003 si Menaxhere e brendshme e shitjeve.
Lexoni: Anke den Ouden, Menaxhere e Microsoft, folësja e radhës në AllWeb
Enkelejd Zotaj ka më shumë se 15 vite eksperiencë në teknologji. Si drejtor i Raiffeisen Bank, ai drejton një ekip prej 75 profesionistësh, duke mbështetur organizatën në transformimin dixhital dhe kulturor të saj. Ai ka patur një gamë të gjerë rolesh drejtuese në projekte dhe iniciativa të rëndësishme strategjike. E fundit ka qenë drejtimi dhe sponsorizimi i projektit dixhital të transformimit për bankën, duke sjellë Raiffeisen ON, platformën dixhitale që u shërben të gjithë segmenteve, nga individët deri tek korporatat e mëdha. Transformimi dixhital dhe Raiffeisen ON janë prioriteti kryesor strategjik i bankës dhe gjendja aktuale është vetëm një hap në këtë proces.
Lexoni: Enkelejd Zotaj dhe Darko Buldioski janë folësit e radhës në AllWeb Albania 2017
Darko Buldioski është themelues i agjensisë së marketingut dixhital dhe komunikimit NewMediaMK si edhe një drejtor i programit të Konferencës ALLWEB. Ai ka përvojë pune në një shumëllojshmëri të projekteve të ndryshme në internet, duke përfshirë zhvillimin dhe zbatimin e faqeve të internetit, blogeve, rrjetet sociale dhe strategjitë e medias online. Ai dhe ekipi i tij kanë zhvilluar disa nga fushatat më inovative dixhitale dhe në mediat sociale në Ballkan.
Robert Petkovic është një profesionist i internetit me eksperiencë të gjerë në të gjitha aspektet që nga zhvillimi, analiza, lançimi dhe optimizimi i faqeve të internetit. Me më shumë se 20 vjet eksperiencë në fushën e dixhitalizimit, ai u zhvendos nga krijimi i faqeve të internetit në Menaxhimin e Projekteve dhe avancimin e teknikave të Google Analytics. Për 10 vitet e fundit ai njihet si një nga analistët më të shquar në rajon. Për momentin ai është një analist website-sh për faqet e internetit të Bruketa&Žinić&Grey.
Lexoni: AllWeb Albania 2017 mirëpret folësin Robert Petkovic
Paul Papadimitriou, bojskauti i inovacionit për startup-et dhe bizneset dhe një strateg marketingu do të jetë një nga folësit e këtij viti. Paul frymëzon audiencën e pesë kontinenteve, në evente madhore dhe në takimet private të Fortune 500. Ai e ka ndarë skenën me lider si ish-presidenti Barack Obama, CEO i Microsoft Staya Nadella, bashkëthemeluesi i Apple Steve Wozniak dhe shumë të tjerë.
Lexoni: Paul Papadimitriou, surpriza e fundit e AllWeb
Përveç këtyre folësve të mrekullueshëm Konferencës do i bashkohet dhe një panel i përbërë nga 4 personazhe, të cilët do dikutojnë për Transformimin e Medias në Shqipëri.
- Edi Oga – Këshilltar në Media
- Etleva Bazi – ikub.al
- Ervin Goci – Universiteti i Tiranës
- Arbër Çepani – TVSH
Më shumë se 200 pjesëmarrës priten këtë vit, ndër të cilët menaxherë marketingu, përfaqësues të agjencive të marketingut dhe PR, menaxherë drejtues të lartë, sipërmarrës madje edhe studentë.
Këtë vit të pranishmit do të kenë një mundësi për të dëgjuar prezantime novatore për mediat sociale, marketingu i përmbajtjeve, web analytics etj.
Për informacione të mëtejshme mbi programin dhe folësit, ju lutemi drejtohuni në faqen tonë të internetit allweb.al. Biletat për konferencën janë ende në dispozicion online, ku mund të gjeni çmime dhe paketa të ndryshme.
Për më tepër informacion kontaktoni me:
Gerti Boshnjaku, në +355 67 20 11 531 ose [email protected]
Si edhe me Darko Buldioski, në 070/ 30 70 40 ose në [email protected]
Takohemi nesër më 12 Tetor tek Tirana Business Park
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
