“Më i lehtë, më i shpejtë dhe lehtësisht i përdorshëm”. Me këtë fjalë Twitter publikon pamjen e re të platformës.
Mes risive kryesore është menuja e re e lundrimit dhe më pak skeda në pjesën e poshtme të aplikacionit. Fotoja e profilit bëhet e rrumbullakët dhe shigjeta që tregon përgjigjen ndaj një postimi kthehet me një re komenti.
“Do vazhdojmë të dëgjojmë mendimet tuaja dhe shumë shpejt do të jenë të disponueshme përditësime të tjera grafike dhe projektimi”, thotë shoqëria në përpjekje për të rritur numrin e përdoruesve dhe kohën e qëndrimit në mikroblog, që shpesh përcaktohet si pak intuitiv.
Të tjera risi janë edhe tipografia e titullit, profili, llogaritë shtesë. Rregullimet dhe privatësia do të jenë në një vend të vetëm për të krijuar më pak konfuzion dhe për ta bërë më të lehtë lundrimin.
Gjithnjë në të mirë të pajisjeve Apple, linqet e artikujve do të hapen në Safari, “për të hyrë sa më lehtësisht tek llogaritë në faqet e internetit që janë lidhur tashmë”.
Dhe në fund postimet përditësohen në moment me përgjigjet, ripostimet dhe pëlqimet në mënyrë që të shihni drejtpërdrejtë bisedën që po ndodh.
burimi: lajmifundit
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
