Ndiqni këto këshilla për një rrjetëzim më të mirë - Business Magazine Albania

Ndiqni këto këshilla për një rrjetëzim më të mirë


Udhëzuesi klasik Never Eat Alone i karrierës, i dha Keith Ferrazzi një reputacion mjaft të madh për të qenë mjeshtër i rrjetëzimit.

Kur Ferrazzi publikoi librin e tij të parë në 2005, ai ishte oratori më i ri në të dy kompanitë “Deloitte Consulting” dhe “Starwood Hotels and Resorts”; Drejtori Ekzekutiv i marketingut të startup-it “Ya Ya Media”; themelues dhe CEO i “Ferrazzi Greenlight”, një firmë konsulence me klientë të mëdhenj si “General Motors” dhe “American Express”.

Ai gjithmonë shpjegon fuqinë e mundësive që ka marrë për shkak të marrëdhënieve. “Duhet të jeni më shumë se të gatshëm për të pranuar bujarinë. Shpesh ju duhet të dilni dhe të kërkoni për të,” shkroi ai.

Ferrazzi u rrit në një familje të klasës punëtore në Pittsburgh. Babai i tij, një punonjës i çelikut, mori guximin për t’iu afruar drejtorit ekzekutiv të kompanisë dhe t’i thoshte se po kërkonte një mënyrë për t’i dhënë djalit të tij një jetë më të mirë sesa ai. Drejtori i Përgjithshëm ishte i impresionuar, shpjegon Ferrazzi dhe e lidhi babain e Ferrazzi me njerëzit që do t’i jepnin djalit një bursë për të ndjekur një shkollë prestigjioze.

Ferrazzi gjithashtu vë në dukje se ishte kryetarja e Partisë Republikane të Pensilvanisë, të cilën e takoi gjatë viteve të tij universitare, që e inkurajoi atë të ndiqte shkollën e biznesit dhe më pas të financonte pjesërisht arsimin e tij në MBA në Harvard.

Ai do të theksojë se nuk është vetëm plotësisht i vetëdijshëm për privilegjet që i janë dhënë, por gjithashtu inkurajon fuqimisht të rinjtë të kërkojnë lidhje që mund t’i çojnë në mundësi të tilla. Fati do të jetë gjithmonë një faktor kyç, por është i nevojshëm një mendim i drejtë për të përfituar dhe kultivuar më shumë.

“Është e nënkuptuar se investimi i kohës dhe i energjisë në ndërtimin e marrëdhënieve personale me njerëzit e duhur do të paguajnë dividentë”, shkroi Ferrazzi. “Por për ta bërë këtë, së pari duhet të ndaloni së mbajturi rezultatet. Ju nuk mund të krijoni një rrjet lidhjesh pa dhënë më parë në mënyrë të barabartë me të tjerët.”

Ai shtoi edhe disa pika se çfarë do të thotë ai me pranimin e bujarisë, kërkimin e bujarisë dhe dhënien e saj:

  • Kur kaloni një kohë të vështirë në karrierën tuaj, siç është shkurtimi nga puna apo shkarkimi nga puna, rezymeja juaj nuk do iu ndihmojë të gjeni një punë të re shpejt, por miqtë dhe bashkëpunëtorët tuaj po.
  • Mos “mbani rezultatin” se sa favorizime bëni kundrejt sa ju merrni. Në mënyrë të pashmangshme do të jenë njerëzit që ndihmoni, të cilët do të tregohen egoistë, por kjo nuk duhet t’ju detyrojë të ndryshoni qasjen tuaj. “Nëse ndërveprimet tuaja sundohen nga bujaria, shpërblimet tuaja do të pasojnë shembullin“, shkroi Ferrazzi.
  • Mos bëni favore vetëm për ata që ju favorizojnë dhe mos injoroni ata që nuk iu favorizojnë. “Bota e biznesit është një terren i paqëndrueshëm dhe konkurrues” dhe kurrë nuk dihet se si ju apo njerëzit me të cilët ndërveproni do të përfundoni.
  • Kontribuoni kohën, paratë dhe ekspertizën tuaj për ata që janë në rrjetin tuaj.

“Marrëdhëniet forcohen nga besimi,” shkroi ai. “Me fjalë të tjera, monedha e rrjetëzimit të vërtetë nuk është lakmia, por bujaria”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0