Agjencia qeveritare hapësinore NASA njoftoi se do ta lansojë një shërbim të transmetimit më vonë gjatë këtij viti, të cilin do ta emërojë NASA+. Shërbimi pa reklama dhe pa kosto do të përfshijë mbulimin e drejtpërdrejtë të lansimeve të ardhshme të raketave, dokumentarët dhe seritë origjinale të cilat do të vihen ekskluzivisht në dispozicion në platformë.
“Me platformën e re të transmetimit të NASAs, hapësirën po e vendosim në majë të gishtave”, tha Marc Etkind, administratori i komunikimit i NASAs, në një deklaratë.
“Transformimi i pranisë sonë dixhitale do të na ndihmojë të tregojmë më mirë historitë se si NASA eksploron të panjohurën në ajër dhe hapësirë, frymëzon përmes zbulimit dhe sjell risi për të mirën e njerëzimit”, shtoi ai, raporton Tech Crunch.
Lexo edhe: Spektakël në qiell/ Si rrallëherë, sonte do të jenë të dukshëm Superhëna, Marsi dhe Mërkuri
NASA+ do të jetë në dispozicion përmes aplikacionit NASA në telefonat dhe tabletat iOS dhe Android, e gjithashtu edhe në platformat tjera të transmetimit si Roku, Apple TV dhe Fire TV.
Shërbimi i transmetimit do të jetë i qasshëm edhe nëpërmjet ueb-sajtit beta të agjencisë. Eksperienca e re me ueb do të jetë gjithashtu shtëpia e informacionit të misioneve dhe studimeve të agjencisë, të të dhënave mbi klimën dhe përditësimeve rreth Artemis.
Agjencia hapësinore momentalisht e përdorë NASA TV-në për transmetimin e përmbajtjeve me video dhe lansimit të raketave dhe satelitëve. Ajo përmbajtjen e transmeton në “24/7” si në faqen e NASAs ashtu edhe në YouTube. Duke lansuar shërbimin e saj të transmetimit, NASA po krijon një hapësirë të dedikuar për shikuesit që të kenë qasje në përmbajtjen e saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
