Këtë vit fermerët përfitojnë mbështetje me para e jo tollona nafte
Skemat e subvencionit të këtij viti në Bujqësi fillojnë më 27 Mars dhe interesi i fermerëve të Lushnjes për të përfituar prej tyre është rritur. Plotësimi i dokumentacionit dhe llojet e skemave janë në vëmendjen e aplikantëve.
Ndryshe nga aplikimet nder vite, grupimet në kooperativa këtë vit u ofrojnë mundësi për të qenë fitues fermerëve. Por për ta, kjo pikë e skemave të subvencioneve shihet si e parealizuar.
Për Drejtorin Rajonal Ferdinand Shani këtë vit nuk ka garë kush aplikon i pari fiton dhe i fundit humbet. Fermerët kanë dy mundësi të reja, të hapin numër llogarie në bankë për të marrë lekë dhe jo tollona nafte, si dhe të grupohen më shumë se 4 fermerë për të përfituar mbështetjen.
Grupet e specialistëve në terren po orientojnë fermerët për dokumentacionin e duhur.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
