LinkedIn po teston një funksionalitet të ri që iu lejon të zgjidhni mentorin tuaj


Mentorimi mund të jetë një gur i çmuar për avancimin e karrierës si për atë që mentorohet ashtu edhe për mentorin e tij. Megjithatë, shumë prej nesh nuk kanë kurrë një marrëdhënie formale mentorimi.

Kjo do të thotë se shumë punëtorë që kërkojnë të avancojnë në karrierën e tyre duhet të shohin jashtë kompanive të tyre për të gjetur një mentor. LinkedIn mendon se mund të ketë gjetur një zgjidhje për këtë problem bazuar në vëzhgimin e aktivitetit të përdoruesve të tij.

Lexoni: Arti i Mentorimit: 3 hapat për krijimin e liderëve të biznesit

Hari Srinivasan, drejtor i menaxhimit të produktit në LinkedIn thotë se njerëzit fillojnë të bisedojnë me të tjerët brenda kompanive të tyre për të marrë këshilla për karrierën. Megjithatë, ai thekson, “Ndërsa njerëzit po kalojnë gjithnjë e më pak kohë në një kompani, është e vështirë të gjesh njerëz me të cilët duhet të flasësh.” Analiza e brendshme e veprimeve të përdoruesve zbuloi se 89% e liderëve në LinkedIn do të interesoheshin për dhënien e këshillave. Ndër kërkimit të këshillave, eksplorimi i mundësive të karrierës ishte një nga çështjet më të rëndësishme që shumë donin të diskutonin me një mentor.

Sot, LinkedIn po teston një shërbim të ri pa pagesë për përshtatjen e anëtarëve me profesionistë të tjerë, të cilët mund t’u japin atyre këshilla shumë të nevojshme për karrierën. “Mendojeni si një formë të re të mentorimit që është virtuale, e lehtë dhe që përshtatet me vendin e punës,” thotë Suzi Owens, menaxhere e grupit të Komunikimit Korporativ në LinkedIn.

Mënyra se si funksionon është mjaft e drejtpërdrejtë. Do të ketë një vend të dedikuar në profilin tuaj të quajtur “your dashboard “, i cili është privat dhe mund të aksesohet në desktop apo pajisjet mobile. Kjo do të shfaqë “qendrën e këshillave të karrierës” ku ju mund të regjistroheni për të qenë mentor ose i mentoruar.

Si fillim shfaqet një vështrim themelor i funksionit dhe vlerës së tij për ata që japin dhe marrin këshilla. Nga atje, ju do të udhëzoheni që të jepni hollësi mbi atë që dëshironi të bisedoni duke shtuar rajonin, industrinë, shkollimin etj. Më pas ju jepet një mundësi për të përsosur preferencat sipas llojit të këshillave që dëshironi siç janë sipërmarrja, kërkimi i punës, rritja në karrierë etj. Sapo të futen preferencat, algoritmi i përputhjes së LinkedIn-it menjëherë do të dërgojë rekomandime për përshtatjet. Nëse keni kërkesa të shumta, ju mund të rrëshqitni kursorin për të parë të gjitha përshtatjet. Nëse ju zgjidhni dikë ata do të marrin një mesazh menjëherë duke i njoftuar për interesimin tuaj për t’u lidhur me ta. Pasi të dy palët bien dakord, ata mund të fillojnë të flasin ose në platformën e LinkedIn ose kudo ku ata preferojnë.

Lexoni: “TOP 5” këshillat për të gjetur mentorin ideal

Owens thekson se ju jeni në gjendje të lidheni me këdo që “shtrihet përtej rrjetit tuaj për të takuar udhëheqësit më me përvojë në komunitetin tuaj.”

Srinivasan pranoi se një nga pengesat e mundshme ishte që anëtarët duhet të ishin të kujdesshëm ndaj pritshmërive. Një nga arsyet pse mentorimet dështojnë është sepse mësim-marrësi nuk është gjithmonë në gjendje të artikulojë atë që ka nevojë ose kërkon shumë nga një mentor. Ai thotë se LinkedIn po punon për mënyrat për ta bërë bisedën të rrjedhë më lehtë, në mënyrë që të dyja palët të marrin atë që kanë nevojë.

Funksionaliteti i ri nuk do të shtrihet gjerësisht në fillim. Owens thotë se “një nëngrup i vogël” i anëtarëve do ta përdorë atë dhe nuk ofroi specifika të tjera. Ajo tha se ata do të vazhdojnë të punojnë edhe gjatë testimit dhe se të gjithë anëtarët do të jenë në gjendje të hyjnë në këtë shërbim deri në fund të verës.

Owens thekson se nuk ka për qëllim të jetë zëvendësim për mentorimin afatgjatë. Ai ka për qëllim të trajtojë ato kërkesa “të shpejta” si dhe nëse jeni duke marrë qasjen e duhur në skenarë të ndryshëm. Megjithëse kjo ngjall nevojën për shpejtësi, Srinivasan thotë se është “cilësia e këshillave që do të përcaktojnë suksesin kur mund të keni këtë lloj përvoje.”

Lexoni: 7 Mentorë që tashmë i keni, por nuk i dalloni!

Ata që kërkojnë këshilla të menjëhershme, një chatbot mund të jetë zhgënjyes pavarësisht se sa shpejt përgjigjet. Këtij shërbimi të ri, si çdo marrëdhënieje të mirë mentorimi, do t’i duhet pak kohë.

burimi: fastcompany

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale