LinkedIn blihet nga Microsoft për 26.2 miliardë $ në cash - Business Magazine Albania

LinkedIn blihet nga Microsoft për 26.2 miliardë $ në cash


Microsoft po blen rrjetin social me orientim nga biznesi, LinkedIn për 26.2 miliardë $ (18.5 miliardë £) në cash.

Marrëveshja e rënë dakord, 196 $ për aksion të LinkedIn, u shpall nga të dyja kompanitë para se të hapej tregu në Wall Street, duke i rritur aksionet me 49 %.

Microsoft tha se pas blerjes, LinkedIn do të “mbajë brandin, kulturën dhe pavarësinë e tij të dallueshme”. Jeff Weiner, CEO i LinkedIn, tha se marrëveshja “na jep ne shansin të ndryshojmë mënyrën se si funksionon bota”.

LinkedIn ka 430 milionë pjesëtarë, që do të të thotë se marrëveshja vlen 60 $ për secilin prej tyre. Rrjeti u themelua në 2002-in dhe u lançua në 2003-in. Ai shkoi në Nju Jork në 2011-n me një vlerë prej 4.25 miliardë $ për kohën.

Blerja vjen pas një “fati të mbrapshtë” për LinkedIn. Në shkurt të këtij viti, aksionet ranë me 43% në NYSE, pasi rrjeti social i bizneseve pranoi se kishte patur të ardhura zhgënjyese. Rënia e çmimit e uli me 11 miliardë $ vlerën e LinkedIn brenda një dite të vetme, duke e çuar çmimin e aksioneve të kompanisё në 101 $.

Nëse marrëveshja me Microsoft shkon sipas planit, Jeff Weiner, i cili iu bashkua LinkedIn në 2008-n si president i kompanisë para se të bëhej CEO i saj pas një viti, do të qëndrojë në rolin e tij aktual, duke i raportuar drejtëpërsëdrejti shefit të Microsoft, Satya Nadella.

Në një deklaratë, Nadella la të kuptohet me avantazh konkurrues ai pret që rrjeti të kryejë shërbime për Microsoft. Ai tha se LinkedIn do të ishte një partner i mirë me softueret e orientuar nga biznesi të kompanisë Microsoft si Office dhe CRM Dynamics.

“Skuadra e LinkedIn ka zhvilluar një biznes fantastik të qendërzuar në lidhjen e profesionistëve në botë,” ka thënë ai. “Bashkë mund të përshpejtojmë rritjen e LinkedIn, po ashtu edhe të Microsoft Office 365 dhe Dynamics ndërsa kërkojë të fuqizojmë çdo person dhe organizatë në planet.”

Reid Hoffman, bashkëthemeluesi i Linkedin dhe aksioneri me pjesën kontrolluese e përshkroi marrëveshjen si “një moment ri-themelimi” për kompaninë. Weiner shtoi se “marrëdhënia me Microsoft dhe kombinimi i sistemit të tyre ‘cloud’ dhe rrjetit të LinkedIn…na jep mundësinë të ndryshojmë mënyrën e funksionimit të botës.”

Marrëveshja, e cila tashmë është e miratuar nga bordet e të dyja kompanive, pritet të kompletohet nga fundi i këtij viti.

 

/The Guardian

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0