Koronavirus do të falimentojë më shumë njerëz se sa vret


Nëse virusi nuk ju godet direkt, do t’ju godasë duke mos qenë në gjendje të shkoni në punë. Punëdhënësi juaj mund t’ju pushojë ose biznesi juaj do të falimentojë. Virusi do të kërcënojë miliona njerëz ekonomikisht, veçanërisht pasi epidemia ka shkaktuar një stuhi të vërtetë në tregun e aksioneve, luftën e naftës midis Rusisë dhe Arabisë Saudite dhe zhvillimin e një lufte të vërtetë në Siri me një tjetër krizë të mundshme migrantësh. Kështu shkruan britanika The Independent.

Lexo: Kryeministri: Bankat të hapen nga ora 06:00-10:00 dhe 16:00-18:00

Në një analizë të saj, theksohet se po aq e rëndësishme sa është për të luftuar virusin, është thelbësore “të vaksinoni” ekonominë tonë kundër pandemisë së panikut. Vuajtjet njerëzore mund të vijnë në të gjitha format e sëmundjes dhe vdekjes. Por, gjithashtu mund të përjetohet si paaftësi për të paguar faturat ose për të humbur një shtëpi. Bizneset e vogla janë veçanërisht në një situatë të vështirë, pasi zinxhirët e furnizimit janë lënë bosh, duke i lënë ata pa produkte ose materiale bazë për të punuar. Prandaj është shqetësuese që qeveritë vazhdojnë ta trajtojnë këtë si një krizë shëndetësore dhe jo si një ekonomike.

Është koha që ekonomistët të marrin përsipër detyrat e tyre ashtu si mjekët, përpara se të përhapet pandemia e vërtetë. Është e vështirë të imagjinohet që Italia nuk do të hyjë në recesion (ekonomia e nëntë më e madhe tani është në karantinë). Kjo do të prekë Evropën dhe partnerin e saj më të madh tregtar, Shtetet e Bashkuara, duke kontribuar në krizën globale, përveç nëse qeveritë reagojnë më shpejt dhe më të fortë se sa bënë 12 vjet më parë, gjatë krizës së fundit financiare.

Disa qeveri kanë prezantuar tashmë disa masa ekonomike që do të ndihmojnë si punëdhënësit ashtu edhe punonjësit të mbijetojnë, por, sipas Independent, të gjithë duhet të mendojnë më gjerësisht nëse do të merren me këtë faktor të ri që ndryshon status quo-në.

Lexo: Kina rihap restorantet dhe dyqanet, 70 mijë persona të shëruar nga 81 mijë të infektuar

Ndërkohë marrëdhëniet midis Amerikës, Kinës dhe Rusisë, sipas Independent janë më shumë se koronavirus. Flitet për çmimet e naftës apo edhe ekonominë globale. Këtu flitet edhe për balancimin e fuqisë midis Lindjes dhe Perëndimit dhe krijimin e një bote shumë polare, në të cilën do të riorganizohet tregu global. Për t’u mbijetuar këtyre ndryshimeve, ne duhet të mbrojmë të ardhmen e bizneseve tona, të mëdha dhe të vogla dhe të kërkojmë mundësi për të gjetur vendin tonë në botën e re ekonomike, në vend që ta mohojmë atë. Injorimi i këtyre ndryshimeve do të bëjë më shumë dëm sesa një sëmundje e gripit.

Burimi: Independent

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale