Një ide e lindur gjatë pandemisë çoi në shpikjen e një pajisjeje për puthjet në distancë. Një kompani kineze ka krijuar këtë aparat që padyshim do u shërbejë njerëzve që po përjetojnë marrëdhënie në distancë. Pajisja bën të mundur transmetimin e puthjeve të përdoruesve përmes sensorëve të lëvizjes tek buzët e silikonit, të cilat lëvizin thuajse në të njëjtën kohë që preken nga përdoruesit.
I quajtur MUA, sipas tingullit që njerëzit zakonisht lëshojnë kur dërgojnë një puthje, pajisja gjithashtu kap dhe riprodhon tingullin dhe ngrohet pak gjatë puthjes, duke e bërë përvojën më autentike.
Puthjet e dërguara mund të shkarkohen në një aplikacion dhe nga përdorues të tjerë.
Shkencëtarët mesa duket reflektuan gjatë periudhës së gjatë të pandemisë, pasi panë që autoritetet në rastin më ekstrem i ndalonin të dilnin nga banesat apo të takonin të afërmit për disa muaj rresht.
Lexo: Nuk ka më low cost; Rriten ndjeshëm çmimet e biletave të avionëve nga Rinasi, mesatarisht 100-200 euro
Shpikësi i “MUA”quhet Zhao Jianbo, i cili shprehet se e ka përjetuar vetë marrëdhënien në distancë asokohe.
“Unë isha në një lidhje atëherë, por nuk munda ta takoja të dashurën time për shkak të bllokimeve”, tha ai.
Projektin e tij, Zhao e prezantoi fillimisht në Pekin, e më pas krijoi produktin e parë të kësaj pajisjeje.
Në dy javë pasi pajisja doli në treg, firma shiti mbi 3,000 makineri puthjeje dhe mori rreth 20,000 porosi.
Lexo: Franca i bashkohet vendeve që ndalon përdorimin e TikToknë telefonat zyrtarë
Të gjithë të dashuruarit që kanë partnerët në distancë, duhet ta shkarkojnë një aplikacion në telefon dhe të lidhin me të makinerinë e puthjes.
Pajisja është e disponueshme në disa ngjyra, por me të njëjtat buzë unisex. Kjo shpikje ka pasur reagim të madh në rrjet, disa ndihen jo rehat me të pasi besojnë se pajisja do të përdoret për qëllime erotike, e disa të tjerë mezi presin ta blejnë.
MUA nuk është pajisja e parë e puthjes në distancë. Studiuesit në Universitetin e Elektro-Komunikimeve të Tokios shpikën një “makinë transmetimi puthjeje” në vitin 2011 dhe Instituti Imagineering i Malajzisë bëri një pajisje të ngjashme të quajtur “Kissinger” në 2016. gadgets360
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
