Ja cila është arsyeja pse dështojnë sipërmarrësit » Business Magazine Albania – Media Dixhitale dedikuar Sipërmarrjes
Përditësuar së fundmi: 17/09/2018

Ja cila është arsyeja pse dështojnë sipërmarrësit

Share
nga Anerola Torollari
Sht 17, 2018
Studied at Faculty of Science, Content Editor Biznesi at Business Magazine
lexo me teper >

Është e habitshme se sa themelues e bëjnë këtë gabim.

Nëse ndonjëherë keni mundësi të kaloni kohë cilësore me një sipërmarrës apo CEO vërtetë të suksesshëm, kapeni këtë mundësi. Kushtojini vëmendje. Bëni pyetje dhe më pas dëgjoni mënyrën se si përgjigjen.

Kur fillova karrierën si sipërmarrës, planifikova që të shpenzoja sa më shumë kohë të ishte e mundur me njerëz që tashmë kishin bërë gjënë që po bëja unë. Do të mësoja nga truri i tyre dhe do të merrja shënime. Ajo që mësova pasi takova shumë sipërmarrës është se ata më të suksesshmit kanë një pasion jashtëzakonisht të madh për biznesin e tyre dhe mund të bëjnë çdo gjë që përfshihet me të. Ata janë absolutisht paketa e përgjithshme: pra ata përfaqësojnë të gjithë lojtarët që shënojnë, tërhiqen, luajnë në mbrojtje dhe menaxhojnë topin. Kjo është ajo që i bën ata të suskesshëm.

Lexoni: 3 mite të famshme mbi sipërmarrësit

Unë kam takuar gjithashtu mjaft sipërmarrës dhe CEO, të cilët janë pushuar nga detyra apo kanë çuar kompaninë drejt rrënimit. Këta sipërmarrës “më pak të suksesshëm” gjithashtu ndajnë diçka të përbashkët. Dhe të gjithë kanë një të metë fatale që askush nuk ua tregon atyre.

Pse? Sepse ata e rrethojnë veten nga persona që nuk janë të drejtpërdrejtë me ta.

Sipërmarrësit “më pak të suksesshëm” kanë tendencë që të mos punësojnë askënd më të zgjuar se vetja. Ndoshta kjo është një gjë e egos së tyre. Ndoshta ata janë maniakë të kontrollit. E vërteta është, nuk ka rëndësi se cila është arsyeja – është një gabim i madh që përfundon duke u kushtuar më shumë sesa ia vlen.

Ju si sipërmarrës që jeni, qëllimi juaj duhet të jetë vlerësimi i punës së njerëzve që ju rrethojnë në biznes. Nëse e bëni këtë, atëherë biznesi juaj do të korrë shpërblime të mëdha.

Shumë CEO e rrethojnë veten me njerëz që nuk i sfidojnë aq sa duhet, gjë që menjëherë krijon një kulturë që të mos thuhet ajo që duhet thënë. Dhe meqë lidershipi fillon në krye, ajo që ndodh më pas, menaxherët janë të frikësuar për të dhënë feedback të mirë për njerëzit që administrojnë dhe njerëzit poshtë tyre kanë frikë të japin feedback të mirë për njerëzit me të cilët punojnë, e kështu me radhë.

Duke mos qenë i drejtpërdrejtë, ju po dëmtoni të tjerët

Këshilla ime për ju është të bëni të kundërtën. Mos pretendoni se jeni të përsosur për çdo gjë dhe nuk punësoni njerëz që janë më të zgjuar se ju. Nëse je personi më i mençur në dhomë, je në dhomën e gabuar. Nëse ju, si lider i kompanisë tuaj, keni njohuri më të specializuara mbi një departament të caktuar sesa personi që keni marrë përsipër të udhëheqë atë departament, ju jeni në telashe.

Lexoni: Richard Branson këshillon sipërmarrësit e rinj: “Just Do It”

Qëllimi për një sipërmarrës nuk është të krijojë një vakum që i bën të ndihen të fuqishëm dhe të suksesshëm sa herë që ecin në zyrë. Qëllimi është të ndërtojë një ekip njerëzish që dinë të sfidojnë njëri-tjetrin në mënyrat më të mira të mundshme.

Thjesht mos ngatërroni të qënit të hapur dhe të sinqertë me të qënit degradues dhe tepër kritik. Njerëzit me të vërtetë duan të dëgjojnë të vërtetën.

Kjo ndoshta nuk është gjëja më e thjeshtë, por do ju çojë juve dhe biznesin tuaj shumë larg.

burimi: INC


Evente

Seminar për “Negociatat dhe Shitjet B2B”

Dhjetor 19, 2018
9 AM – 5:30 PM