Ministrja e Bujqësisë dhe Zhvillimit Rural, Anila Denaj, ka deklaruar se eksportet bujqësore shqiptare gjatë 8-mujorit të këtij, shënuan rritje me 17,5% krahasuar me të njëjtën periudhë të një viti më parë.
Në një status në rrjetet sociale zonja Denaj njofton se ato arritën në vlerë, 38,4 miliardë lekë, nga 32,7 miliardë lekë që ishin në 8-mujorin 2022.
“Ecuria dhe rritja e vazhdueshme e eksporteve është pasqyrë e qartë e njerëzve të punës në bujqësi dhe suksesit të politikave të qeverisë për sektorin, të cilat na sjellin më afër me objektivin 1 miliard dollarë eksporte bujqësore deri në vitin 2030,” shkruan ministrja Denaj.
Lexo: Sulm kibernetik institucioneve shqiptare
Ministria e Bujqësisë dhe Zhvillimit Rural krahas investimeve në kanale vaditëse dhe kullimi, përmes skemës kombëtare ka mbështetur me financim fermerët për uljen e kostove të prodhimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto