Qeveria shqiptare dhe Agjencia e Kombeve të Bashkuara për teknologjitë e informacionit dhe komunikimit, po bashkëpunojnë për krijimin e “Innovation Alliance Center” në Shqipëri.
Kjo u bë e ditur gjatë një takimi që Ministrja e Shtetit për Standardet e Shërbimeve, Milva Ekonomi me kreun e ITU, Agjencia e Kombeve të Bashkuara për teknologjitë e informacionit dhe komunikimit, Cosmas Zavazava, ndërsa po marrin pjesë në zhvilloi në Forumin Strategjik të Bledit në Slloveni.
Sipas zonjës Ekonomi krijimi i “Innovation Alliance Center” synon maksimizimin e sinergjisë së bashkëpunimit.
Pjesë e diskutimit ishte edhe përditësimi i Profilit të Inovacionit Digjital (DIP) dhe mbështetja në aftësimin digjital për të moshuarit.
Ekonomi dhe Zavazava diskutuan edhe për zhvillimin e infrastrukturës digjitale elastike në situata kritike, duke eksploruar mundësinë e krijimit të rrjetit të ekspertëve për shkëmbimin e njohurive dhe praktikave më të mira.
Gjithashtu u diskutua edhe për zgjerimin e përdorimit të informacioneve të Infrastrukturës Kombëtare të të Dhënave Hapësinore dhe përmirësimin e tyre.
Zavazava u angazhua që Forumi i Zhvillimit Rajonal të ITU për Evropën, në vitin 2024 të zhvillohet në pranverë në Tiranë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
