Apple dhuron 1 milion dollarë shpërblim për ata që mund ta hakerojnë një iPhone


Apple ka rritur në mënyrë masive shumën që u ofron hakerave për gjetjen e dobësive në iPhone dhe Mac, deri në 1 milion dollarë. Deri më tani kjo është oferta më e lartë nga një kompani e madhe e teknologjisë.

1 milion dollarë do të shkojnë për studiuesit që mund ta hakerojnë pjesën kryesore të iOS. 500,000 dollarë të tjerë do t’u jepen atyre që mund të gjejnë një “sulm në rrjet që nuk kërkon ndonjë ndërveprim nga përdoruesi.” Ekziston gjithashtu një shpërblim prej 50% për hakerat që mund të gjejnë dobësi në softuer përpara se të bëhet lançimi i softuerit.

Apple po i rrit këto shpërblime përballë një tregu gjithnjë e më të dobishëm, ku hakerat u shesin të njëjtin informacion qeverive për shuma të mëdha parash.

Maor Shwartz i tha revistës Forbes se kostoja e një eksploatimi të vetëm (një program që përdor dobësitë për të marrë kontrollin e një kompjuteri ose telefoni) mund të arrijë shifrën 1.5 milion dollarë. Një eksploatim kundrejt WhatsApp ku nuk kërkohen klikime nga përdoruesi, për shembull, mund t’i shitet një agjencie qeveritare për shumën e njëjtë, megjithëse mjete të tilla janë të rralla. Vetëm një ose dy në vit arrin të shitet, nga një grup prej rreth 400 studiuesish që përqendrohen në një hakerim të tillë të nivelit të lartë. “Është me të vërtet e vështirë t’i hulumtosh ato,” tha ai.

Në Janar të këtij viti, kompania sekrete Zerodium njoftoi se po ofronte 2 milion dollarë për një hakerim të një iPhone-i.

Forbes

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale