Amazon po teston skuadra me 30 orë punë në javë - Business Magazine Albania

Amazon po teston skuadra me 30 orë punë në javë

~6 minuta lexim


Amazon.com së shpejti do të nisë një program për të eksperimentuar me 30 orë punë në javë punonjësit e përzgjedhur. Programi do të ketë disa ekipe teknike të përbërë tërësisht nga punonjësit me kohë të pjesshme.

Këta punonjës me 30-orë do të marrin të njëjtat përfitime si punëtorët tradicionalë me 40-orë punë, por ata do të marrin vetëm 75% të pagesës që puntorët me kohë të plotë fitojnë. Aktualisht, kompania punëson punëtorë me kohë të pjesshme që ndajnë të njëjtat përfitime si punëtorët me kohë të plotë, por programi pilot do të ndryshojë një ekip të tërë, duke përfshirë edhe menaxherët, që do të punojnë me orë të reduktuara.

“Ne duam të krijojmë një mjedis pune që përshtatet me një orar të reduktuar dhe ende nxit rritje të suksesit dhe karrierës “, thotë një postim nga kompania në Eventbrite.com për një seminar informativ.”Kjo nismë u krijua me fuqi punëtore të ndryshme me mendjen se orari tradicional me kohë të plotë nuk mund të jetë një model që iu përshtatet të gjithëve.

Aktualisht, programi pilot do të aplikohet vetëm nga disa persona. Këto ekipe do të punojnë në produktet e teknologjisë, në burimet njerëzore të kompanisë, të hënën deri të enjten nga ora 10 paradite deri në 2 pasdite. Pagat e tyre do të jenë më të ulta se punëtorët me 40-orë punë, por ata do të kenë mundësinë për të kaluar me kohë të plotë në qoftë se zgjedhin.

Njoftimi vjen një vit pasi kompania u përball me kritika pas raportit të New York Times, e cila e përshkroi Amazon si një kompani që i inkurajon punonjësit për të punuar nga 80 orë në javë, ndërsa rrallë iu jepte pushime. Zëvendës presidenti i Amazon Jay Carney botoi një letër kundër-përgjigje në ‘Medium’ duke thënë se historia “keqinterpreton” kompaninë dhe kjo ofron perspektivën e Amazon.

Artikulli “ishte një goditje e madhe, i parë nga këndvështrimi i një punëdhënësi”, ka thënë Rita McGrath, profesoreshë në Columbia Business School, e cila fokusohet në strategji dhe inovacion. Ky program mund të jetë eksperimenti i fundit i kompanisë me mënyrat për të tërhequr talentet e larta, tha ajo. “Amazon si kompani vazhdimisht përpiqet për gjëra të reja. Ata dështojnë shumë, por ia vlen për të qëndruar inovativë.”

Shumë kompani, të tilla si Deloitte dhe KPMG, ofrojnë punë katër ditë në javë me orare fleksibël. “Shumë kompani kanë thënë që kanë dashur për të ulur orët e punës, por nuk e kanë bërë atë,” tha Ellen Galinsky, presidente dhe themeluese e Institutit te Familjes dhe Punës.

Galinsky shpreson se një kompani si Amazon, në qoftë se ajo me sukses aplikon programin, mund të ndihmojë thyerjen e tabuve lidhur me oraret e reduktuara. “Për një kohë të gjatë ka qenë një turp për të ulur orët e punës, apo punët me kohë të pjessshme.” tha ajo, pasi dukej si një devijim nga norma, sikur nuk jeni duke e bërë tamam punën.

Programi gjithashtu mund të ndihmojë për të përmirësuar diversitetin në Amazon, tha McGrath. Së bashku me firma të tjera të teknologjisë, Amazon nuk ka balancuar raportin femra-meshkuj të puntorëve, veçanërisht në fushat e lidershipit, ku meshkujt përbëjnë 76% të posteve udhëheqëse nëpër kompani. Një javë pune 30-orëshe mund të ndihmojë të inkurajojë më shumë punëtoret femra, të cilat kanë tendencë për t’u marrë më shumë me punë shtëpie dhe me kujdesin ndaj fëmijëve.

Amazon nuk ka komentuar nëse programi është një përpjekje për të ndryshuar stafin e saj. Por McGrath thekson se diversiteti i të punësuarve ka avantazhe pragmatike. “Amazon nuk është shumë e mirë në promovimin dhe mbajtjen e grave, dhe ironia është se baza e konsumatorëve të Amazon është shumë e ndryshme”, tha McGrath.

“Ajo ofron një mundësi për të trokitur në njerëzit që ju nuk do e bënit normalisht për shkak të mënyrës që strukturohet java juaj e punës,” tha ajo.

 

burimi: washingtonpost

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Nëse të ofrojnë një vend në një anije kozmike, mos pyet çfarë vendi, thjesht hip”
— Sheryl Sandberg
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0