Më 27 dhe 28 prill, në Kosova Finance Forum 2026, do të mblidhen figura të rëndësishme të arenës financiare ndërkombëtare, duke e shndërruar këtë ngjarje në një forum të nivelit të lartë dhe me rëndësi të veçantë për diskutimin e zhvillimeve ekonomike dhe financiare në rajon.
Me ekonomistin e njohur botëror Profesor Yanis Varoufakis, ish-Ministër i Financave i Greqisë, përmes ‘fireside chat’ me temën “Cloud Capital – Fuqia, Platformat dhe e Ardhmja e Kapitalizmit” do të trajtohet mënyra se si platformat digjitale po riformësojnë ekonominë globale, duke sjellë forma të reja fuqie përmes teknologjisë, të dhënave dhe efekteve të rrjetit, ndërkohë që modelet tradicionale të pronësisë dhe konkurrencës po evoluojnë; ajo analizon ndikimin e këtyre ndryshimeve mbi qeveritë, bizneset dhe shoqëritë; sidomos në tregjet në zhvillim; ku shqyrton si mund të mbeten ekonomitë konkurruese në një botë të dominuar nga platformat.
Në panelin “Demographics, Productivity, and Growth in the Western Balkans”, Tim Judah nga The Economist pritet të trajtojë sfidat strukturore që lidhen me rënien e popullsisë, emigrimin masiv dhe plakjen demografike në rajon, duke analizuar se si këto faktorë ndikojnë drejtpërdrejt në produktivitetin dhe potencialin për rritje ekonomike; ai mund të theksojë gjithashtu nevojën për reforma të qëndrueshme, investime në kapitalin njerëzor dhe politika që nxisin kthimin e diasporës, duke argumentuar se pa adresimin e këtyre çështjeve themelore, vendet e Ballkanit Perëndimor do ta kenë të vështirë të arrijnë zhvillim afatgjatë dhe konvergjencë me ekonomitë evropiane.
Në fokus të Kosova Finance Forum 2026 është forcimi i bashkëpunimit mes institucioneve financiare dhe krijimi i një klime ku investitorët dhe qytetarët ndihen më të sigurt. Vetëm përmes besimit dhe bashkëpunimit, Ballkani Perëndimor mund të ecë drejt një zhvillimi më të qëndrueshëm dhe të pozicionohet denjësisht në tregjet globale.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
