Në kuadër të “Product Launch”, NineHana në bashkëpunim me AlbaniaTech organizoi një event prezantues ku ndau me publikun vizionin, misionin dhe funksionalitetet kryesore të platformës së re, e fokusuar në mbështetjen e grave gjatë shtatzënisë dhe periudhës së hershme të mëmësisë.
Eventi shërbeu si momenti i parë i prezantimit të produktit në treg, duke ofruar një pasqyrë të qartë mbi mënyrën se si platforma synon të ndërthurë teknologjinë me nevojat reale të nënave. Gjatë prezantimit, u theksua struktura e platformës, e ndërtuar mbi tre shtylla kryesore: forumi për komunikim dhe ndarje përvojash mes nënave; paketat udhëzuese me informacion të personalizuar dhe praktika konkrete; si dhe eventet, të cilat synojnë krijimin e një komuniteti aktiv dhe mbështetës.
Si pjesë e këtij lançimi, NineHana prezantoi edhe podcastin e saj, tashmë aktiv me episodet e para, i cili vjen si një zgjerim i eksperiencës së platformës përmes historive autentike dhe diskutimeve të hapura mbi mëmësinë.
Në përputhje me filozofinë e produktit, eventi u konceptua në një format interaktiv, duke shmangur prezantimet tradicionale dhe duke vendosur në fokus komunikimin e drejtpërdrejtë me audiencën. Një intervistë live me një nga të ftuarat solli një dimension personal, duke reflektuar mbi sfidat dhe emocionet e mëmësisë, si dhe balancimin me jetën profesionale.
Lexo edhe:Brenda Demo Day të Growpreneur, startup-et që u shpallën fituese
Atmosfera e krijuar gjatë eventit e ktheu lançimin nga një prezantim produkti në një eksperiencë komunitare, duke theksuar ambicien e NineHana për të qenë më shumë se një platformë digjitale, një hapësirë reale mbështetjeje dhe shkëmbimi përvojash për nënat.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
