A po jetojmë shëndetshëm?! Sëmundjet e gjakut dhe kanceri rrisin 4% numrin e vdekjeve në 2017


Sikur të mos mjaftojë lajmi i uljes së lindshmërisë vitin e kaluar dhe në fillim të këtij viti, numri i vdekjeve në vend është shtuar. Insitutiti Shqiptar i Statistikave raporton se në 2017 numri I vdekjeve u rrit 3.9% krahasuar me një vit më parë. Një lajm i tillë vë në pikëpyetje kushtet për një cilësi të shëndetshme jetese.

Sëmundjet e qarkullimit të gjakut dhe tumoret janë shkaktarët kryesorë të vdekjeve në vend. Gati 54% e vdekjeve erdhen nga grupi i sëmundjeve  në aparatin e qarkullimit të gjakut. Brenda kësaj kategorie kryesojnë goditjet në tru (gati 33% të totalit) e ndjekur nga sëmundjet e zemrës (26 %).

Shkaktari i dytë kryesor janë tumoret. Ato shkaktuan mbi 16% të vdekjeve. Në këtë rast, problemet më të mëdha shëndetësore shfaqen në aparatin e frymëmarjes, sipas të dhënave zyrtare.

Në 2017-ën, numri i vdekjeve të regjistruara në Shqipëri është 22.232. Tek femrat numri i vdekjeve është rritur 5.1% në një vit ndërsa tek meshkujt 2,9 % më shumë se në vitin 2016) dhe për femrat 10.622  (5,1 % më shumë se në 2016).

Problemet e shtuara shëndetësore vitet e fundit po nxisin ndërgjegjësimin e publikut për të përmirësuar cilësinë e jetës, përmes kujdesit në ushqim e më shumë sport. Por, shifrat tregojnë se problemet shëndetësore po “vrapojnë” më shumë se shqiptarët.

Ju mund të lexoni edhe: Jeta e shëndetshme sipas Hetem Ramadanit

 

 

 

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale