A ju bën të mësuarit e gjithçkaje të mos jeni i mirë në asgjë? » Business Magazine Albania – Media Dixhitale dedikuar Sipërmarrjes
Përditësuar së fundmi: 08/08/2017

A ju bën të mësuarit e gjithçkaje të mos jeni i mirë në asgjë?

Share
nga Anerola Torollari
Gus 08, 2017
Studied at Faculty of Science, Content Editor Biznesi at Business Magazine
lexo me teper >

Si do ta përcaktonit një ekspert? Ekspertët priren të shihen si njerëz të cilët janë jashtëzakonisht të fokusuar në një fushë dhe i kushtojnë shumë nga koha e tyre fitimit dhe zgjerimit të njohurive në fushën e tyre të veçantë. Praktika, koha dhe përpjekja e vazhdueshme zakonisht mendohen si mënyra për t’u bërë me të vërtetë të talentuar dhe të ditur në fushën tuaj. Por a është ky vërtetë rasti?

Lexoni: 5 Mënyra për të mësuar dhe mbajtur mend çdo gjë

Pse fokusimi i tepërt na ngadalëson?

Ndërsa fokusimi vetëm në një gjë mund të duket si mënyra logjike për t’u bërë një ekspert, në të vërtetë mund të ketë një efekt të dëmshëm në atë se si ne fitojmë njohuri në mënyrë efikase.

Duke u fokusuar për një kohë të gjatë në një fushë, ne jemi duke ndaluar veten nga hapja e mendimeve, perspektivave dhe subjekteve të ndryshme. Kur truri ynë hyn në mënyrën e fokusimit të të mësuarit, ai vendos tërë energjinë dhe përqendrimin vetëm në një temë të caktuar.

Kjo na bën të zhvillojmë një kornizë dhe një mendim të caktuar për t’iu qasur një problemi dhe të kufizojmë mendimet dhe perspektivat tona. Stimulimi i nevojshëm që mund t’ju ndihmojë të mendoni në mënyra të reja dhe të ndryshme është penguar, ndërsa praktika duket se ju bën të përsosur, mënyra se si i qaseni praktikës suaj është çelësi për t’u bërë një ekspert i vërtetë.

Modaliteti kryesor i mësimit për t’u bërë një ekspert

Ka dy mënyra kryesore të të mësuarit kur është fjala për trurin tonë. Njëra është mënyra e mësimit të fokusuar, e cila është kur mendja jonë është shumë e përqendruar dhe e zënë plotësisht nga detyra ose subjekte. Modaliteti tjetër i të mësuarit është mendimi i shpërndarë, kur truri ynë është në një gjendje më të qetë dhe të lirë dhe në këtë mënyrë ne mund të fitojmë frymëzim dhe ide kreative për një temë për të cilën nuk kemi kaluar kohë për t’u përqëndruar.

Si përshtatet kjo me të mësuarit në mënyrë efektive?

Të nxënit efektiv dhe për t’u bërë një ekspert nuk ka të bëjë vetëm me fokusimin në një aftësi të caktuar. Ekspertët e vërtetë i marrin aftësitë ku janë të mirë dhe i përdorin ato në fusha të ndryshme.

Paul Graham është një shkencëtar kompjuterik britanik me inxhinierinë si aftësi të tij primare. Megjithatë, ai gjithashtu ka arritur të bëhet një sipërmarrës ekspert, sipërmarrës kapitalist, autor dhe bloger. Ai ka ndihmuar dhjetra kompani të mirënjohura si Dropbox dhe Airbnb, ai ka botuar libra dhe ka shkruar dhjetëra artikuj mbi tema të ndryshme.

Lexoni: Të rinjtë në biznes – Ja disa këshilla për të arritur suksesin

Cili është sekreti i suksesit të Paul Graham? Ai merr ekspertizën e tij inxhinierike, por në vend që të fokusohet vetëm në këtë aftësi, ai përdor njohuritë e koncepteve të inxhinierisë për të analizuar problemet dhe për të sugjeruar zgjidhje për bizneset.

Çelësi për t’u bërë ekspert është gjetja e lidhjeve midis kuadrit të ekspertizës dhe fushave të tjera, duke aplikuar konceptet në gjëra të reja. Duke bërë këtë, ju mund të krijoni zgjidhje të reja dhe të ndihmoni veten të praktikoni ekspertizën tuaj në të njëjtën kohë.

Zgjuarsia për të përdorur aftësitë themelore ju bën ekspertë të vërtetë

Steve Jobs nuk u kufizua vetëm me shkencat kompjuterike, ai vazhdimisht arriti të rrisë veten duke menduar për elemente unike dhe origjinale që shtuan vlerën e ekspertizës së tij. Ai kuptoi se kompjuterat nuk duhet të jenë vetëm një vegël, por mund të kenë potencial të jenë elegantë dhe të dizenjuar bukur, duke i bërë ato objekte moderne, të përditshme. Kombinimi i këtyre dy koncepteve të dizajnit dhe inxhinierisë është mënyra se si u krijua MacBook dhe ky mendim është pikërisht si Apple arrin të rrisë gjithnjë konkurrentët e tij.

Të bëhesh një ekspert dhe të përqendrohesh në këto aftësi është thelbësore për suksesin. Por ajo që do t’ju bëjë të rriteni dhe të bëheni edhe më e suksesshme është lejimi i vetes për të mësuar gjëra të reja që stimulojnë të menduarit tuaj.

Të bëhesh një ekspert ka të bëjë me kombinimin e ideve që ndihmojnë në krijimin e zgjidhjeve inovative. Çelësi kryesor është, kur mësoni diçka të re, pyesni veten se si mund ta zbatoni këtë në atë që ju tashmë e dini. Duke bërë këtë, ju nuk nuk do ndaleni kurrë dhe do jeni gjithnjë duke krijuar rrugë të reja që ju çojnë në zhvillim dhe suksese të reja.

Lexoni: Dy pyetjet që duhet t’i bëni vetes për të qenë të suksesshëm

burimi: LifeHack