Dy pyetjet që duhet t'i bëni vetes për të qenë të suksesshëm - Business Magazine Albania

Dy pyetjet që duhet t’i bëni vetes për të qenë të suksesshëm


Michael Phelps dhe Winston Churchill shfaqen në librin e Eric Barker, “Barking up the wrong tree”. Barker i përdor ata si shembuj të njerëzve të suksesshëm sepse ata kanë… sjellje të çuditshme.

Phelps ka një trup të pazakontë, Churchill ishte paranojak. Por të dy arritën t’i përdornin këto karakteristika të çuditshme në avantazhin e tyre, duke u bërë më të mirët e fushës së tyre.

Barker foli me profesorin e Harvard Business School, Gautam Mukunda dhe konkluzionet e tij janë të ndara në dy:

1. Duhet të njohësh vetveten. Pyet veten: Cilat janë pikat e tua të forta?

2. Zgjidh fushën e duhur. Pyet veten: Cilat kompani, institucione dhe situata do të vlerësonin çfarë bëj unë?

Barker vazhdoi me studimin e tij në një intervistë me profesorin Stew Friedman në podcast-in Work and Life. Ai shpjegoi se disa karakteristika personale zakonisht shërbejnë si antiproduktive dhe prandaj duken si tipare negative.

Marrim si shembull kokëfortësinë:

“Në pamje të parë, kokfortësia mund të mos duket pozitive, por kur flasim për sipërmarrësit, gjithmonë fokusohemi tek “kurrë mos u dorëzo, vazhdo përpara”. Çfarë është kjo? Epo, kokëfortësia. Ka shumë tipare që zakonisht duken negative por në situatën e duhur, ato bëhen pozitive.

Për Phelps, trupi i çuditshëm e bën atë një vrapues dhe kërcimtar të dobët, por gjithashtu e bëri atë një notar të jashtëzakonshëm. Për Churchill, të qenurit paranojak do të thoshte që ai nuk ishte i duhur për pozicione të larta pune, por gjithashtu do të thoshte se ai e shikonte Hitler si një kërcënim për botën.

Gjëja kryesore është kjo:

A jeni ai që thyen rregullat? A jeni ai që i ndjek? Diku midis? Duhet të jeni i sinqertë me veten dhe duhet të vini re se cili është mjedisi ku ju përshtateni.

Kjo kërkon eksperimentim, ndoshta dhe dështim, por në një të ardhme, ju do të jeni më të suksesshëm.

Burimi: Business Insider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0