Kush është startup-i në të cilin Bill Gates dhe Jeff Bezos po investojnë? - Business Magazine Albania

Kush është startup-i në të cilin Bill Gates dhe Jeff Bezos po investojnë?


Përveç se janë dy nga njerëzit më të pasur në botë, lider biznesesh dhe banorë të Seattle-it, Bill Gates dhe Jeff Bezos tani janë gjithashtu investitorë në një startup të quajtur Convoy.

Shërbimi i kamionëve me bazë në Seattle lidh shoferët dhe agjencitë transportuese të mallrave, si një lloj Uber për kamionët. Convoy njoftoi një investim prej 62 milionë dollarësh në fonde nga Gates Cascade Investment dhe të tjerë. Kompania ka arritur të marrë 80 milionë dollarë që kur ka filluar në vitin 2015.

Gates i është bashkuar Bezos, i cili ka filluar të investojë në kompani që nga viti 2015 së bashku me liderë të tjerë të shquar të biznesit si CEO i Salesforce, Marc Benioff dhe themeluesi i eBay, Pierre Omidyar për të mbështetur Convoy.

Lexo: Si të kontaktoni investitorë potencial për idenë tuaj inovative?

Uber kohët e fundit filloi të garonte me Convoy duke lançuar shërbimin e vet Uber Freight, i cili lidh transportuesit me agjencitë e transportit. Por investimet e fundit të Convoy tregojnë një padurim nga ana e kompanisë për të vazhduar zgjerimin ndërkohë që konkurrenca rritet.

Ndërkohë, Uber është ende në kërkim të një CEO të ri një muaj pasi themeluesi i Uber, Travis Kalanick u largua nga ky pozicion pasi kompania u përball me disa çështje delikate, duke filluar që nga akuzat për ngacmime seksuale apo mosmarrëveshjet ligjore me firmat rivale si Waymo.

Lexo: Çfarë mund të mësojmë nga gabimet e Uber dhe Travis Kalanick?

Convoy po përpiqet të bëjë më të mirën e tij në një kohë të vështirë për konkurrentin e saj, tha CEO, Dan Lewis për Bloomberg.

“Nuk është e qartë se çfarë do të ndodhë me Uberin,” tha Lewis. “Lidershipi i kompanisë në përgjithësi është zhdukur.”

Lexo: 7 zakonet e fuqishme që përcaktojnë lidershipin ekselent

Burimi: fortune.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0