Audio mesazhet kanë qenë një veçori kyçe në WhatsApp tani e disa vite, po ashtu edhe thirrjet me audio dhe ato me video. Por çfarë ka munguar në serinë e këtyre veçorive?
Deri më tani kanë munguar video mesazhet, dhe kjo vetëm deri sot. WhatsApp më në fund ka filluar të mbështesë dërgimin dhe pranimin e video mesazheve.
Këto mesazhe tani do ta kenë një kohëzgjatje prej 60 sekondave, dhe mbrohen nga enkriptimi “end-to-end” i WhatsApp, raporton GSM Arena.
Dërgimi i një video mesazhi është bërë qëllimisht i ngjashëm me mënyrën se si funksionon dërgimi i një mesazhi zanor, në mënyrë që të mos ketë një ngarkesë shtesë tek ikonat brenda aplikacionit.
Ikona e cila më parë qëndronte për dërgimin e audio mesazheve, tani mund të klikohet në mënyrë që të shkojë drejt modalitetit të video mesazheve.
Pastaj thjesht vazhdoni duke e mbajtur të klikuar ikonën dhe të incizoni njëjtë sikurse me audio mesazhet, dhe kur ta largoni gishtin, mesazhi dërgohet. Ju gjithashtu mund të rrëshqitni lart për ta kyçur dhe incizuar videon pa pasur nevojë të mbani butonin të shtypur – përsëri, njëjtë me audio mesazhet.
Videot fillojnë të luajnë automatikisht pa zë kur hapet biseda, dhe klikimi mbi video përderisa sa ajo është duke u luajtur, do ta ndezë edhe zërin.
Shpërndarja e veçorisë së video mesazheve tani ka filluar, dhe do të jetë në dispozicion për të gjithë përdoruesit e WhatsApp “në javët e ardhshme”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
