8 karakteristika të një sipërmarrësi. Nëse ti i zotëron, ndërmerr një nismë - Business Magazine Albania

8 karakteristika të një sipërmarrësi. Nëse ti i zotëron, ndërmerr një nismë


Fundi i vitit është një moment i mirë për të bërë bilancin e angazhimeve tuaja për një vit të tërë dhe për të formësuar planet tuaja për vitin e ardhshëm. Nëse jeni një i ri, punonjësi apo sipërmarrës që sapo keni nisur dhe jeni ende në mëdyshje, nëse keni mëdyshje në ç’vend, dhe në ç’fushë duhet të fokusoheni, nëse keni sadopak shpresë që në vendin tuaj mund të bëni gjëra të mira, BuzinessMag.al ju sjell më poshtë disa karakteristika dalluese të sipërmarrësit.

Nëse zotëroni një pjesë të mirë të këtyre sjelljeve ju sugjerojmë të ndërmerrni nisma private. Shikoni si do të ndryshojë jeta juaj, këndvështrimi juaj dhe sa do të rriteni edhe në një vit. Po të doni ne jemi këtu për komentet tuaja pas një viti 🙂

1-Sipërmarrësi zgjedh të heqë dorë nga siguria e një page të rregullt.  Ai përfshihet në një sitl jetese të pasigurt për të cilin nevojitet shumë guxim.

2- Një sipërmarrës i vertetë nuk kërkon famë për veten. Në vend të kësaj ata janë më të shqetësuar për njerëzit që duan të ndihmojnë dhe probemet që duan të zgjidhin.  “në orët e tua më të errëta kujto vlerën do t’i shtoni jetës së njerëzve, kënaqësisë që do të ndjeni dhe kauzës që do të coni më tej”.

3- Një sipërmarrës del shpesh jashtë kornizave. Ndaj idetë e reja të tij shpesh nuk vijnë nga leksionet në universitet. Mësimet më të mëdha i marrin nga jeta. Ndryshe nga të tjerët ata u japin rëndësi këtyre leksioneve?

4-Sipërmarrësit kërkojnë të kalojnë interesat vetjake. Ato sigurojnë një produkt për të cilin ka nevojë dhe kënaq interesat e një grupi të gjerë shoqëror. Shumë e nisin biznesin për shkak të një mangësie në treg. Të tjerë preken përmes përjetimeve të tyre me varfëri, mjerim dhe kushte të padrejta.

Lexo: 4 zakonet e milionerëve që funksionojnë për të gjithë

5-Ndërsa mendoni se sipërmarrësi fokusohet tek ide që nuk janë parë më parë, ata në fakt riorganizojnë një model ekzistues, ose përditësojnë një produkt të dalë nga moda.

Shpesh idetë e rishpikura, përmirësojnë thelbësisht mënyrën se si punojmë, ushqehemi, lexojmë, etj.

6-Sipërmarrësit ekzekutojnë ndërsa për shumë të tjerë, idetë vaniten rrugës. Sipërmarrësi është mjeshtër për të kthyer apstrakten në konkrete. Veprim i thjeshtë në dukjen, por është një sfidë e vërtetë. Realizimi me sukses i këtij procesi përcakton sipërmarrësin e vërtetë.

7- Ata nuk heqin dorë. Rrallë ndodh të kesh sukses që me përpjekjen e parë. Për të siguruar një produkt që zgjat dhe vlen kërkohet punë, fokus dhe përkushtim.

8-Një qasje tjetër ndaj dështimit. Ndërsa për shumë prej njerëzve dështimi është një goditje e fortë, deri sa ju thyen, për sipërmarrësin dështimi është një prej proceseve gjatë kohës së punës. Duke mos e parë si dramatikë dështimin, sipërmarrësi mëson prej tij, punon që të mos përsëritet ndërsa ecën përpara.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0