7 këshilla për të krijuar përmbajtje që tërheq në LinkedIn - Business Magazine Albania

7 këshilla për të krijuar përmbajtje që tërheq në LinkedIn


A e dini se LinkedIn ka mbi 600 milionë përdorues dhe vetëm 1 milion prej tyre publikojnë rregullisht përmbajtje?

Këta janë anëtarët më me ndikim dhe më të suksesshëm të komunitetit LinkedIn. Mesatarisht, çdo postim arrin profesionistë që përfshijnë 21 industri dhe 9 vende të ndryshme.

Ndërsa çdo anëtar i LinkedIn ka një arsye të ndryshme për të qenë në site, një gjë është e vërtetë për të gjithë: krijimi i përmbajtjes që provokon diskutim është një faktor kryesor në zgjedhjen e ndikimit të tyre në LinkedIn. Profesionistët në LinkedIn, që postojnë rregullisht përmbajtje me cilësi të lartë kanë më shumë angazhime, njihen më mirë në industritë e tyre dhe ka më shumë të ngjarë të shihen si udhëheqës mendimtarë.

Lexoni: Këto 5 aftësi janë çelësi për rritjen në karrierë, sipas LinkedIn

Por, si arrijnë ata të krijojnë këto përmbajtje që provokojnë diskutime?

  1. Vendosni një titull specifik dhe unik

Është shumë e rëndësishme të theksohet se titulli i një artikulli mund të ketë rëndësi edhe më shumë se vetë përmbajtja. Mendojeni kështu: nëse keni një titull të mërzitshëm ose të paqartë, shumica e njerëzve nuk do të klikojnë as në artikull. Për t’i tërhequr vëmendjen njerëzve, artikulli juaj duhet të jetë specifik dhe unik.

Titujt më efektivë janë ato që u tregojnë njerëzve saktësisht se çfarë të presin, të bëjnë një pyetje të rëndësishme, të përfshijnë një premtim dhe të veprojnë si një guidë “si të”.

  1. Krijoni zërin tuaj unik

Nëse përmbajtja juaj ofron informacion të përgjithshëm dhe tingëllon sikur të ishte shkruar nga kushdo në industri, nuk do të provokojë diskutim. Përmbajtja juaj duhet të jetë e freskët dhe unike. Për të krijuar këtë lloj përmbajtje, së pari duhet të krijoni zërin tuaj unik.

Kur dikush lexon artikullin tuaj, ai duhet të jetë në gjendje të thotë: “Po, kjo tingëllon tamam si __.” Kjo strategji është vitale jo vetëm për krijimin e përmbajtjes që provokon diskutim, por edhe për krijimin e markës tuaj.

  1. Shkruajini audiencës që synoni

Para se të filloni të shkruani, pyesni veten: “A do të lidhet kjo me audiencën time të synuar?” Nëse përgjigja është JO, atëherë hidheni poshtë të gjithë artikullin.

Ndërsa mund të jetë kënaqësi të shkruani për tema që ju interesojnë, nëse nuk lidhet me audiencën e synuar nuk do të jetë efektive. Sidoqoftë, para se t’i përgjigjeni pyetjes së parë, duhet të mësoni se kush është audienca juaj e synuar dhe për çfarë ajo ka nevojë.

Kur keni një informacion më të mirë të audiencës tuaj të synuar, ju mund të krijoni përmbajtje që tërheq, intriguese dhe të dobishme për ta.

Lexoni: 10 aftësitë më të kërkuara të vitit 2019, sipas LinkedIn

  1. Përqëndrohuni tek cilësia

Ndërsa publikoni përmbajtje të vazhdueshme në profilin tuaj është e rëndësishme që të keni “cilësi mbi sasi” sidomos kur bëhet fjalë për përmbajtjen e LinkedIn.

Nëse përmbajtja juaj është e gjatë, plot me informacion të panevojshëm dhe formatohet si një paragraf i gjatë, askush nuk do ta lexojë atë. Mos u nxitoni në përmbajtjen tuaj vetëm për të përmbushur afatet e publikimit. Në vend të kësaj, përqëndrohuni të shkruani artikuj që i përgjigjen në mënyrë të përmbledhur një pyetjeje që ka audienca juaj. Mos harroni të lini disa hapësira boshe në përmbajtjen tuaj dhe të shkruani fakte të rëndësishme.

  1. Tregoni histori

Një nga metodat më efektive të krijimit të përmbajtjes është tregimi i historive. Përfshirja e historive në përmbajtjen tuaj të LinkedIn mund të rrëmbejë lehtësisht vëmendjen e lexuesit dhe t’i bëjë ata të lexojnë të gjithë artikullin. Këto histori mund të jenë në lidhje me klientët ose sukseset dhe pengesat tuaja personale.

  1. Postoni direkt në Linkedin

Ju mund të keni një blog në website tuaj që përdorni për të marketuar veten. Kjo është fantastike! Por mos u mbështetni vetëm në ato artikuj kur bëhet fjalë për LinkedIn. Ndërsa nuk ka asgjë të keqe në ribotimin e artikujve tuaj herë pas here në platformat e tjera, mos e bëni këtë një zakon.

Postimi direkt në LinkedIn ju lejon të rrisni rrjetin tuaj dhe të ndërveproni me miqtë tuaj aty. Kjo do t’ju ndihmojë të bëheni një udhëheqës në vetë platformën.

  1. Angazhohuni në komente

Sigurohuni që të përfshiheni në seksionin e komenteve në artikujt tuaj! Thjesht postimi i artikullit tuaj nuk është i mjaftueshëm nëse dëshironi të optimizoni ndikimin tuaj në LinkedIn. Përgjigjuni komenteve, filloni dialogoni dhe trogojini rrjetit tuaj se dëshironi të krijoni marrëdhënie me ta.

Lexoni: Rregulli i thjeshtë nga CEO i LinkedIn, që do ju bëjë të eleminoni mbledhjet e padobishme

/Shkruar nga Kim Peterson Stone në LinkedIn

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0