Vizioni i Elon Musk për të ardhmen tonë në hapësirë vjen me një kosto serioze
Përditësuar së fundmi: 20/02/2018

Vizioni i Elon Musk për të ardhmen tonë në hapësirë vjen me një kosto serioze

Share
nga Anerola Torollari
Shk 20, 2018
Studied at Faculty of Science, Content Editor Biznesi at Business Magazine
lexo me teper >

Imagjinoni një ekuipazh që udhëton përtej Tokës dhe Hënës për herë të parë në Mars. Këmbët e tyre prekin sipërfaqen e ndryshkur të planetit të kuq pas një udhëtimi njëmujor përgjatë hapësirës.

Kush janë ata? Si mund ta kuptojnë atë që po shohin? Në çfarë rrethanash janë çuar atje?

Këto janë pyetje që mund të duken si eksperimente të mendimit për një të ardhme të largët, por në të vërtetë, ne duhet t’i përballojmë ato përpara se të dërgojmë njeriun në planetin e kuq dhe ndoshta duhet të marrim shpejt përgjigjen e këtyre pyetjeve.

Lexoni: Pse plani i Elon Musk për kolonizimin e Planetit Mars mund të dështojë?

Eloni Musk dëshiron të na çojë në Mars dhe ai mund ta bëjë këtë. Kompania e tij SpaceX është duke u afruar gjithnjë e më shumë në ndërtimin e një rakete mjaft të madhe për të çuar njerëzit në Hënë, Mars dhe më tutje, me fluturimin e parë të raketës Big Falcon në orbitën e Tokës që pritet 3-5 vitet e ardhshme.

Administrata Trump gjithashtu kërkon që kompanitë private të marrin përsipër Stacionin Ndërkombëtar të Hapësirës deri në vitin 2025, duke i dhënë efektivisht kontrollin e qeverisë për një përpjekje vitale të hapësirës njerëzore.

Musk pretendon se ai dëshiron të na nxjerrë jashtë sistemit diellor për të mirën e njerëzimit. Një specie shumëplanetare është mbi të gjitha një specie që i mbijeton çdo gjëje që e kërcënon atë.

Por, si duket vizioni i Musk për njeriun kur është kundër pjesës tjetër të sistemit diellor? Kush do na nxjerrë në hapësirë dhe çfarë do të thotë për ne nëse e lëmë ta bëjë këtë?

Formësimi i pikëpamjes sonë për botën e kuqe

Kushdo që shkon në Mars i pari do të ndryshojë përgjithmonë mënyrën se si ne do ta shohim atë botë. A është Marsi një botë e shkencës, apo një botë burimesh për t’u shfrytëzuar? Ky mision i parë njerëzor në planet ka të ngjarë të vendosë përgjigjen e kësaj pyetjeje.

Për arsye aksioneve të larta, ndoshta nuk është ideja më e mirë për të besuar përzgjedhjen e ekuipazhit në forcat kapitaliste. Nëse shohim eksplorimin e Marsit nëpërmjet një lenteje kapitaliste, atëherë vetëm më të pasurit prej nesh do të mund të shkojnë në planetin e kuq dhe ajo që ata do të bëjnë atje do të jetë orientimi drejt fitimit.

Nëse eksplorimi i hapësirës është për të mirën e të gjithëve, atëherë duhet të bëjmë çdo përpjekje për t’u siguruar që ata që do të dërgohen do të na reflektojnë të gjithëve ne.

Por a nuk duhet të sigurohemi që njerëzit e parë që do të shkelin në Mars të përfaqësojnë vargun më të larmishëm që njerëzimi duhet të ofrojë? Me shumë gjasa, ne nuk do të marrim atë larmi nëse vendosim të lejojmë që miliarderët të kenë drejtimin e sistemit diellor.

Në mendjen e Musk, ai shpreson se një ditë, një vend në anijen për në Mars do të kushtojë aq sa një shtëpi me çmim mesatar në Shtetet e Bashkuara. Por kur ka kaq shumë amerikanë që nuk mund të përballojnë një shtëpi në SHBA, çmund të themi për pjesën tjetër të botës. Njerëzit do të duhet të shpenzojnë miliona e miliona dollarë për një biletë për të fluturuar në Mars në bordin e Big Falcon të SpaceX, që do të thotë se në teori disa nga vizitorët e parë në Mars mund të jenë disa nga njerëzit më të pasur të Tokës.

Kjo vjen si pasojë e konsolidimit gjithnjë e më të madh të pasurisë dhe fuqisë midis grupit më të lartë të shoqërisë në SHBA, me miliarderët që marrin përsipër gazetat, presidencën dhe gjithnjë e më shumë, duke planifikuar të zgjerojnë shtrirjen e tyre në hapësirën e jashtme.

Kuptimi jonë për planetin – si duket, si ndihesh kur je atje – do të ndryshojë në bazë të atyre personave që do të shkojnë atje në fillim. Nëse eksplorimi i hapësirës është për të mirën e të gjithëve, atëherë duhet të bëjmë çdo përpjekje për t’u siguruar që ata që dërgojmë atje të na reflektojnë të gjithëve ne.

Ndërsa është gjithashtu e mundur që NASA dhe kombet e tjera do të duan të blejnë vende në ato fluturime të para, kjo nuk ndryshon faktin se SpaceX do të ketë fuqinë më të madhe për të përzgjedhur kë të dërgojë në Mars.

Nga sublime në qesharake

Edhe në qoftë se injorojmë ambiciet Marsiane afatgjata të Muskut, ne tashmë kemi një kuptim të asaj që sipërmarrësi miliarder parashikon për të ardhmen tonë në hapësirë.

Merrni, për shembull, vendimin e tij për të dërguar një Tesla Roadster ngarkuar me një manekin të quajtur Starman në një orbitë të largët që do ta çojë atë jo shumë larg Marsit. Është argëtuese dhe e çuditshme dhe në shumë mënyra, e kundërta se si NASA e sheh vendin e saj në hapësirë.

Kur NASA dërgoi një projekt arti në hapësirë me Golden Record në anijen Voyager në vitet 1970, agjencia kaloi muaj duke u shqetësuar për atë që do të përfshinin në të. Ekipi i Golden Record përfundimisht krijoi një amalgamë të bukur dhe gjithëpërfshirëse të njerëzimit në tinguj dhe foto, duke treguar pikërisht natyrën sesi është bërë njeriu.

Dhe në vend të SpaceX dërgoi një makinë.

Kjo do të ishte një bisedë shumë e ndryshme nëse ne do të vareshim nga NASA për të udhëhequr rrugën për në hapësirë. Por me politikën e saj, NASA vazhdon të ballafaqohet nga administratat që ndryshojnë pragjet e agjencisë çdo katër apo tetë vjet.

Për shkak të kësaj, duket e paqartë nëse NASA do të dërgojë njerëz në Mars përpara se SpaceX të shkojë atje vetë.

Mësoni nga historia, mos e përsërisni atë

Megjithëse NASA nuk është e përsosur, të paktën nuk i jep vendet në anijen e saj ofruesit më të lartë. Vetëm për këtë arsye, ideja që vizionarët privatë mund të jenë pika jonë kryesore e qasjes në një botë tërësisht të re është shqetësuese.

Musk beson se ai dëshiron ta bëjë hapësirën të hapur që të gjithë të udhëtojnë atje, por se si ai do ta bëjë këtë është po aq e rëndësishme sa vizioni i tij për të ardhmen që e çoi në këtë pikë.

Nëse dërgojmë vetëm më të pasurit për të eksploruar botët e reja, atëherë ne do të krijonim automatikisht një sistem të manipuluar në favor të atyre që mund ta blinin.

Ne kemi nevojë të mësojmë nga historia jonë, të mos përsërisim gabimet e paraardhësve tanë duke përjetësuar këtë lloj epërsie në univers.

Kjo nuk është aspak një ide e re, por është e vërtetë dhe përsëritet: Çfarëdo që kemi në Tokë gjithashtu do ta sjellim me vete në hapësirë.

Lexoni: Lidhni rripin e sigurimit! Në vitin 2022 do të fluturojmë në Mars

Udhëtimi hapësinor është një nga përpjekjet më të rëndësishme që kemi ndërmarrë ndonjëherë si shoqëri dhe fluturimi drejt Marsit paraqet një mundësi të pakrahasueshme për të parë veten të reflektuar te ne nga atje përtej çdo gjëje që kemi njohur ndonjëherë. Duhet të bëjmë gjithçka për të siguruar që reflektimi përputhet me versionin më të mirë të mundshëm të vetes tonë.

Kemi pabarazi ekstreme në Tokë: racizmi, keqtrajtimi, pabarazia e të ardhurave dhe shumë sëmundje të tjera shoqërore. Do të duhet një përpjekje për të shmangur sjelljen e këtyre problemeve me vete në planetin e kuq dhe dyshoj që Musku është i vetëm në këtë sfidë.

burimi: Mashable