Në Konferencën Ndërkombëtare Astronautike në Adelaide, Australi, Elon Musk prezantoi qëllimin e tij për të shkuar në Mars deri në vitin 2022 - përpara se të përgatitet për një ekuipazh njerëzor në vitin 2024.
Musk ka në plan t’a bëjë këtë, jo vetëm përmes raketave të ripërdorshme, të cilat janë thelbi i modelit SpaceX, por gjithashtu edhe përmes zhvillimit të një makine më të madhe, plotësisht të ripërdorshme.
Ky mjet është koduar me emrin “BFR” (Big F * cking Rocket) dhe është planifikuar të zëvendësoj Falcon 9, Falcon Heavy dhe Dragon.
BFR do të jetë 106 metra i gjatë, 9 metra i gjerë dhe do të ketë një ngarkesë prej 150 tonësh – pesë herë më shumë se Falcon Heavy, automjeti më i madh aktual i kompanisë.
Ndërtimi i BFR do të fillojë vitin e ardhshëm dhe Musk tha se do të financohet nga të ardhurat e nisjes së satelitëve dhe shërbimi i Stacionit Ndërkombëtar Hapësinor.
Për udhëtimin në Mars, BFR do të ketë 40 kabina. Musk tha se këto kabina do të përshtaten në mënyrë ideale me dy ose tre vetë, që do të thotë se do të ketë rreth 100 njerëz në fluturim. Cisternat e rimbushura do të dërgohen në orbitë për të furnizuar BFR, të mjaftueshme për t’a çuar atë në Mars.
“Gjëja më e bukur e udhëtimit në hapësirë është që nuk ka fërkime … do të jetë i qetë si mëndafshi. Nuk ka turbullirë, asgjë”, tha Musk.
Kjo video ju tregon se si BFR do të jetë në gjendje të transportoj njerëz nga çdo qytet në një qytet tjetër në Tokë në më pak se një orë:
