Prej 3 dekadash Tonini merret me kultivimin e vreshtarisë. Ndonëse rreth të 70-tave për të puna në vreshta është pasioni më i madh që ka. E gjejmë duke i dhënë dorën e fundit vjeljes së rrushit teksa ka kultivuar 40 kuintal.
“Unë këtu me këtë vresht merrem tash 30 vjet, këtu kam 3 mijë metra kam variete të kallmetit dhe shesh të zi, kam marre 40 kuintal dhe prodhimi ka qenë i bollshëm”, thotë Tonin Ranxi.
Prodhimi ka qenë i kënaqshëm, por vështirësi ka në fuqinë punëtore dhe gjetjen e tregut për shitje
Tonini na tregon se fshati Kaçë në Bashkinë Vau Dejës njihet ndër dekada për prodhimin e verës, madje sot në Vatikan thotë që ruhet me fanatizëm vera e kësaj zone.
”Kanë marrë prodhimin këtu në fshatin Kaç dhe e kanë çuar në Itali dhe e kanë bërë verë priftërinjtë në Vatikan dhe atje është shtama vina Kaça”, thotë Tonin.
Të prodhosh verë nuk është e thjeshtë thotë 70 vjeçari. Mënyra e prodhimit është gërshetim i tradicionales me fermentimet modern. Stoik i qëndron kohës 21 ditore të përgatitjes që nga vjelja e deri tek vera e gatshme
Lexo: Tatim për TikTok-erat dhe influencuesit
“Për tre javë unë e nxjerrë, e filtroj, nuk luhet vera pa i kryer të gjitha proceset, nuk hidhet në shishe, nuk taposet”, thotë Tonin.
Punimin e tokës dhe rikthimin e emigrantëve për të zhvilluar vendin e tyre e ka ëndërr të vjetër që po e shoqëron në çdo ditë të tijën 70 vjeçarin. .youtube
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
