Vendet ku shumica e personave nuk kanë ende një smartfon


Me 3 Prill 1973, punonjësi i Motorola Martin Bell bëri thirrjen e parë me telefon në botë. Rreth 50 vjet më vonë, më shumë se 5 miliardë njerëz janë të lidhur me shërbimet mobile dhe mbi gjysma janë përdorues të smartfonëve. Por, ndërkohë që qasja në internet vazhdon të përmirësohet në mbarë botën, vendet e zhvilluara ende përbëjnë pjesën më të madhe të përdoruesve të smartfonëve.

Lexoni: A po na përgjojnë smartfonët tanë apo thjesht ne po bëhemi paranojakë?

Në Korenë e Jugut 95% e të rriturve kanë një smartfon dhe 5% kanë një celular të zakonshëm. Në të kundërt 75% e të rriturve në Indi nuk kanë një smartfon, edhe pse 40% kanë një celular të zakonshëm.

Ndarja dixhitale

Korea e Jugut është lider botëror në përdorimin e smartfonëve, është i vetmi vend ku 100% e popullsisë së rritur kanë një smartfon.

Është një figurë e ngjashme në Izrael, Hollandë dhe Suedi, ku më shumë se 85% e të rriturve kanë smartfonë dhe vetëm 2% nuk ​​kanë fare celularë.

Në Poloni dhe Rusi, ku 30% dhe 34% e të rriturve përdorin celularë të thjeshtë, norma e pronësisë së smartfonëve është dukshëm më e ulët, respektivisht 63% dhe 59%.

Por Kanadaja, ku një e katërta e popullsisë nuk ka telefon celular, është një përjashtim i dukshëm midis vendeve të zhviluara.

Japonia – ndoshta çuditërisht, duke pasur parasysh fiksimin e vendit me pajisje të teknologjisë së lartë – gjithashtu ka një shkallë relativisht të ulët të pronësisë së smartfonit në 66%.

Ndërsa smartfonët janë ende përtej mundësive të komuniteteve më të varfra, standardet e jetesës në rritje po krijojnë tregje të reja në të gjithë botën në zhvillim. Kina dhe India tani kanë tregje më të mëdha të smartfonëve se SHBA, ndërsa Indonezia dhe Brazili po rriten me shpejtësi.

Lexoni: Tregu i smartfonëve – Pse Samsung dhe Apple po humbasin terren ndaj Huawei?

Hulumtimi Pew tregon se në vendet e zhvilluara dhe ato në zhvillim, personat nën 35 vjeç të arsimuar, me të ardhura më të larta kanë më shumë gjasa të kenë një smartfon.

Në vendet në zhvillim me qasje të kufizuar në arsim, ky hendek bëhet edhe më i gjerë. Për shembull, në Nigeri 58% e të rriturve me arsim të mesëm përdorin mediat sociale, krahasuar me vetëm 10% të atyre që kanë më pak arsim.

burimi: weforum

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale