Twitter është duke mbyllur aplikacionin “Vine” - Business Magazine Albania

Twitter është duke mbyllur aplikacionin “Vine”


Me të ardhmen e Twitter akoma në pikëpyetje, duke vijuar me përpjekjet e dështuara në gjetjen e një blerësi dhe pushimet nga puna të shpallura kohët e fundit për 9% të fuqisë së saj punëtore, kompania njoftoi se ka mbyllur aplikacionin e saj të pavarur të videove të shkurtra, Vine.

Sipas një postimi, asgjë nuk është ndryshuar menjëherë – pasi faqja e internetit dhe aplikacionet do të qëndrojnë në internet për momentin, dhe përdoruesve do t’u jepet një shans për të shkarkuar videot e tyre Vine përpara mbylljes së saj zyrtare.

Në njoftimin e bërë nuk u dha asnjë shpjegim rreth asaj që çoi në këtë vendim, vetëm u deklarua se Twitter do të japë më shumë lajme në blogun e saj dhe nëpërmjet llogarisë zyrtare të saj në Twitter, në ditët në vijim në lidhje me atë që do të vijë më pas.

Twitter gjithashtu lajmëroi se faqja e internetit e Vine do të mbetet në internet edhe për pak kohë për arsye se kompania mendon se “është e rëndësishme që të gjithë të jenë ende në gjendje të shohin të gjitha “Vines” e pabesueshme që janë bërë.”

Megjithatë, është ende e paqartë edhe për sa kohë do të qëndrojë online.

Bashkë-themeluesi i Vine, Rus Yusupov shkruajti në Twitter:

Mos e shisni kompaninë tuaj.”

E mbështetur nga Twitter në vitin 2012, Vine u bë shumë popullor si dhe u bë aplikacioni nr 1 në iTunes App Store vetëm gjashtë muaj pas bashkimit të tyre. Në një moment, Vine kishte më shumë se 200 milionë përdorues aktivë, por ajo pati një rënie në popullaritet në muajt e fundit. Kjo pasi konkurrenca nga Instagram, Snapchat dhe YouTube e bëri mjaft të vështirë të qëndronte në treg.

Burimi: techcrunch.com

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0