Tim Cook qorton Zuckerberg mbi modelin e biznesit të Facebook - Business Magazine Albania

Tim Cook qorton Zuckerberg mbi modelin e biznesit të Facebook


Kreu ekzekutiv i Apple, Tim Cook, të Mërkurën qortoi ashpër Mark Zuckerberg dhe modelin e biznesit të Facebook, duke thënë se profilet e detajuara të individëve të përpiluara nga platformat e internetit nuk duhet të ekzistojnë.

“Ne mund të bëjmë para nëse monetarizojmë klientët tanë, sikur klientët tanë të ishin produkti ynë,”  tha Cook në një intervistë me Recode dhe MSNBC që do të transmetohen më 6 Prill. “Ne kemi zgjedhur të mos e bëjmë këtë … Nuk do të ngatërrohemi me jetën e tyre personale. Privatësia për ne është një e drejtë e njeriut, një liri civile. Mendoj se kjo situatë është kaq e tmerrshme dhe është bërë kaq e madhe saqë ndoshta është e nevojshme një rregullator i hartuar mirë.”

Lexoni: Ku është Zuck? CEO i Facebook hesht pas skandalit mbi shkeljen e privatësisë

Facebook ka marrë një sërë kritikash pas raportimit të “The Observer” se të dhënat personale të 50 milionë përdoruesve amerikanë janë përdorur nga kompania zgjedhore Cambridge Analytica.

Por Cook ka dhënë alarmin për mbledhjen masive të të dhënave nga Facebook dhe Google për vite me radhë. Ekzekutivi ka theksuar gjatë për dallimin midis modelit të biznesit të Apple – shitjes së produkteve për klientët për një fitim – dhe atë të platformave të internetit që “po gëlltisin gjithçka që mund të mësojnë për ju duke u përpjekur të fitojnë para,” siç tha ai në vitin 2015.

Ky model biznesi ka qenë jashtëzakonisht fitimprurës për Facebook dhe Google, por kompanitë po përballen tani me dhënie llogarie për konsumatorët që zgjohen dhe shohin informacionin që mblidhet prej tyre, të shqetësuar se kush mund ta përdorë atë dhe si.

Lexoni: Elon Musk fshin faqet e tij nga Facebook pas lëvizjes #deletefacebook

Cook nuk është i vetmi CEO i Silicon Valley që vë në pah problemet e Facebook. Të premten, Elon Musk fshiu faqet e Facebook për dy kompanitë e tij, Tesla dhe SpaceX.

Cook, nuk kishte asnjë sugjerim se si Zuckerberg duhet të trajtojë pasojat nga skandali i privatësisë. I pyetur se çfarë do të bënte nëse do të ishte Zuckerberg, Cook i ktheu: “Nuk do të isha kurrë në këtë situatë.”

burimi: finance.yahoo.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0