TeachPitch ofron trajnime dhe certifikime në ndihmë të mësuesve shqiptarë gjatë periudhës së Covid-19


 

Kompania Britanike TeachPitch e cila operon në fushën e shërbimeve të mësimit në distancë  dhe aftësive dixhitale, ofron mundësinë e trajnimeve dhe certifikimeve online për rritjen e kapaciteteve të mësimëdhënies dixhitale për më shumë se 1000 mësues shqiptarë të të gjitha cikleve.

Lexo: Covid Symptom Tracker: Aplikacioni më i shkarkuar që gjurmon simptomat e Covid-19

E themeluar në Londër në vitin 2014 nga një mësues, kompania ofron zgjidhje për të gjithë mësuesit të tejkalojnë problemin e shumëllojshmërisë së informacionit në internet përmes kurimit, mësimit në distancë, inteligjencës artificiale dhe përdorimin e platformave teknologjike në treg.

E përdorur aktualisht nga 38,000 mësues dhe pedagogë në 200 shtete të ndryshme, TeachPitch do të ofrojë trajnime dhe  mbështetje për të gjithë mësuesit që dëshirojnë të përfitojnë nga eksperienca shumëvjeçare e instruktorëve dixhitalë në fushën e mësimdhënies në distancë dhe ndërtimit të kurrikulave mësimore online.

Me mbështetjen e OSF Albania dhe në bashkëpunim me Ministrinë e Arsimit, Sportit dhe Rinisë dhe Agjensisë së Sigurimit të Cilësisë të Arsimit Parauniversitar (ASCPA), TeachPitch ka ndërtuar një trajnim  prej 2 orësh ku kompania vendos në dizpozicion të mësuesve shqiptarë platformat dhe ekspertët e saj në ndihmë të përmirësimit të aftësive dixhitale dhe rritjes së vetëbesimit të edukuesve, me qëllim përmirësimin e efikasitetit dhe pranueshmërinë nga një numër sa më i gjerë studentësh. Trajnimet falas përmbajnë aftësi praktike në përdorimin e platformave më të avancuara mësimore dhe mjeteve dixhitale të zhvillimit të mësimit.

Lexo: Fotografo më shumë me karakteristikat e reja në Galaxy S10 dhe Galaxy Note10

Seanca e trajnimit do të fokusohet tek :

Shkolla e së Ardhmes- Një program i ndërtuar nga kompania TeachPitch për rrjetet profesionale të mësuesve shqiptarë që të ndajnë, ruajnë dhe menaxhojnë materialet e tyre mësimore dhe ti pasurojnë ato pas çdo seance. E gjithë permbajtja e trajnimit dhe leksioneve do të bëhet pjesë e sistemit Shkolla e së Ardhmes në mënyrë që tutorialet të ripërdoren sa herë të jetë e nevojshme nga shumica e mësuesve.

GoToMeeting: Një program profesional për takimet në distancë. Ky sistem u ofron mësuesëve mundësinë e mbajtjes së leksioneve interaktive  deri në 150 nxënës në të njëjtën kohë. Ekipi jonë ofron leksione online rreth mënyrës së përdorimit të GoToMeeting dhe ndihmon mësuesit për të organizuar mësimet e tyre nëpërmjet këtij sistemi. Pas përfundimit, mësimet e tyre mund të ruhen tek platforma “Shkolla e së Ardhmes” ose në “Google Classroom”.

Google Classroom: Platfomë mësimore për të cilën ofrohen instruksione dixhitale të certifikuara nga Google. Instruktorët ndihmojnë në përditësimin e njohurive tek të gjithë mësuesitë nëpërmjet tutorialeve të organizuara gjatë kësaj periudhe.

Certifikimi “Instruktori Dixhital” – Pas përfundimit të trajnimit mësuesit përkatës certifikohen si Instruktor Dixhital nga kompania TeachPitch dhe lejohen të punojnë me teknologjinë e TechPitch, kanë akses në të gjithë materialet e ndërtuara prej kompanisë, 178,000 burime nga rreth 220 platforma mësimore nga e gjithë bota dhe të gjithë përmbajtjen, video premium se si të bëhesh një mësues dixhital edhe më i mirë. Instruktorët dixhitalë përfitojnë mbështetje nga ekipi ynë dhe shërbimet tona të marketingut.

Lexo: COVID-19, Netflix dhe Youtube ulin cilësinë e transmetimit

Kompania është në kërkim të mësuesve digjitalë. Kush dëshironë të aplikojë të regjistrohet KËTU

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale