Startup Albania po implementon projektin “Youth Tourism HUB” në kuadër të thirrjes “Për përfitimin e mbështetjes financiare lidhur me projektet në fushën e turizmit” e financuar nga Ministria e Turizmit dhe Mjedisit.Ky projekt ka për qëllim të promovojë destinacionet turistike dhe vlerat e tyre të vecanta në një konkurs idesh dhe kreativiteti.Ky projekt synon të trajnojë 4 grupe me nga 6 të rinj në disa ditë intensive workshop-i, te cilët do të përzgjidhen nga aplikimet që do të vijnë nëpërmjet thirrjes që do të hapim në rrjetet sociale. Të rinjtë do të trajnohen nga ekspertë të fushës në disa fusha si SDG, Green Skills dhe Menyrave se si mund të promovojnë Shqipërinë. Trajnimi do të bëhet me qëllim zhvillimin dhe zgjerimin e njohurive të të rinjve pjesëmarrës rreth projektimit dhe krijimit të një imazhi cilësor dhe të qëndrueshëm të Turizmit në Shqipëri duke qenë se ky projekt po bëhet me misionin e vetëm : “Shqipëria, një destinacion mikpritës, tërheqës dhe autentik, për zhvillim të qëndrueshëm të potencialeve ekonomike, natyrore dhe sociale të vendit”. Në fund të ketij projekti, secili grup do të prezantojë idenë e tyre në një event final.
Objektivat e projektit (maksimumi 5 rreshta për secilin objektiv):
- Promovimi dhe zhvillimi i destinacioneve dhe vlerave turistike të Shqipërisë jo vetëm në dimensione sociale, kulturore dhe mjedisore por edhe si potencial të theksuar për të ndikuar në rritjen e qëndrueshme dhe konkurrueshmërinë e Shqipërisë.
- Nxitja dhe promovimi i të rinjve në pjesëmarrjen e integruar të planfikimit të turizmit dhe destinacioneve turistike.
- Trajnimi i 24 të rinjve të përzgjedhur në disa fusha si SDG, Green Skills dhe Mënyrat se si mund të promovojnë Shqipërinë dhe mentorimi i tyre përgjatë gjithë procesit të krijimit të fushatës promovuese dhe ndërgjegjësuese.
- Përfundimi i 4 fushatave digjitale/ kreative nga 4 grupet e punës në një event final me qëllim promovimin e karakteristikave shoqërore dhe kulturore turistike të Shqipërisë.
Rreth STARTUP ALBANIA
Fondacioni “Startup Albania” synon të krijojë lidhje organike me organizata apo fondacione të tjera kombëtare dhe ndërkombëtare me qëllim mbështetjen e projekteve që kanë objekt sipërmarrjen dhe inovacionin për të ndikuar në zhvillimin ekonomik. Aktivitetet kanë karakter edukativo-trajnues, ato zhvillohen në formën e seminareve, të cilat ndihmojnë në promovimin e teknologjive më të fundit në sektorë si: telekomunikacioni, inovacioni, startup-et, turizmi etj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
