Kjo përkon me një rritje të madhe të kërkesës së shërbimeve online, në veçanti të atyre që kanë të bëjnë me zbavitjen. Netflix, Amazon Prime, Youtube etj, kanë regjistruar një “shpërthim” të abonimeve dhe të kontakteve gjatë ditës, por kjo sjell edhe të papritura në infrastrukturë.
Për këtë arsye Netflix ka deklaruar se do t’ i përgjigjet pozitivisht apelit të Komisionit Europian për të ulur cilësinë e transmetimeve në HD, që me ketë ngarkesë të jashtëzakonshme mund të çojnë në kolaps sistemin.
Gjigandi amerikan i ofertës së produkteve në streaming vendosi të reduktojë me 25% cilësinë e transmetimit, duke siguruar gjithsesi, sipas tyre “një shërbim të kënaqshëm për klientët”.
Pas Netflix, Youtube deklaroi se i bashkohet iniciativës, duke pezulluar për 30 ditë versionin “HD” të videove, duke e kaluar atë në SD (Standard Definition).
Një kolaps i linjave të internetit mund të përfshinte edhe institucionet shëndetësore dhe ato shtetërore në linjë të parë të ”betejës” me koronavirusin, duke parë që përtej pjesës “doënload”, edhe ajo “upload”, që ka të bëjë me ngarkimin në rrjet të dokumenteve të ndryshme, është rritur me 40% për shkak të punës së transferuar në karantinë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
