I etiketuar si një “aplikacion për ndarjen e ushqimit – Food Sharing”, LaPiat, startup-i nga Toronto dëshiron të lidhë përdoruesit e uritur me njerëz që duan të gatuajnë në shtëpi.
Në vend që t’i lidhë përdoruesit me restorantet ekzistuese, aplikacioni synon të krijojë një rrjet të kuzhinës nga persona me prejardhje të ndryshme, duke shitur të gjitha llojet e artikujve ushqimor përtej restoranteve.
Nëse jeni duke bërë një vakt dhe ndodh që të keni një pjesë shtesë, ju mund ta vendosni këtë pjatë në LaPiat dhe të shihni nëse ka ndonjë person të uritur të interesuar, ndërsa mund të bëni disa para shtesë në të njëjtën kohë.
Lexoni: Si të sillemi kur shkojmë në një restorant?
Sipas website të saj, LaPiat, startup-i nga Toronto po e etiketon veten si një “revolucion në industrinë ushqimore” duke provuar ushqime të ndryshme dhe duke zvogëluar mbetjet ushqimore.
“Gatimi është leva më themelore e fuqizimit ekonomik dhe industria ushqimore e ka arritur atë përmes thyerjes së barrierave të rrepta të hyrjes,” thuhet në site.
Aplikacioni, i cili do të jetë i disponueshëm për telefonat Apple dhe Android, u lejon përdoruesve të aksesojnë ushqimet që janë në dispozicion në zonën e tyre dhe të kenë mundësi për të kontaktuar kuzhinierin për më shumë informacion.
Ashtu si Uber, kuzhinierët me LaPiat mund të regjistrohen përmes aplikacionit dhe të caktojnë oraret dhe menutë e tyre.
Lexoni: 5 Restorantet më të mira në Tiranë, sipas të rinjve
Aplikacioni nuk garanton cilësinë dhe ndonëse gatimet “kontrollohen personalisht nga ekipi i LaPiat dhe mbahen në standarde të larta,” mënyra se si këto standarde do të respektohen nuk është ende e qartë.
“Në përputhje me rrethanat, siguria e ushqimit mbetet përgjegjësia përfundimtare e kuzhinierit prej të cilit blini,” shkruhet në faqjen zyrtare te LaPiat, Startupi nga Toronto i cili po tenton të ndryshojë mënyrën se si ushqehemi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
