Për disa, kur mendojnë për suksesin, ata përfytyrojnë pasurinë; të tjerë duan energjinë; disa thjesht duan të kenë një ndikim pozitiv në botë.
Të gjitha këto janë të vlefshme, në të vërtetë suksesi është një koncept që do të thotë gjëra të ndryshme për njerëz të ndryshëm. Edhe pse pa marrë parasysh se çfarë është suksesi për ju, pothuajse me siguri nuk është diçka që do të vijë lehtë.
Lexoni: 5 shenja që tregojnë se ju do të bëheni një person i suksesshëm
Megjithatë, ka udhëzime të panumërta dhe libra për të qenë të suksesshëm, pasi suksesi është personal dhe unik për secilin individ. Këshillat që përmbajnë këta libra shpesh nuk mund të jenë relevante për të gjithë. Prandaj, duke ndjekur këshillën e një individi të vetëm shpesh mund të jetë diçka jo e dobishme.
Duke pasur parasysh këtë, duke marrë parasysh këshillat e një numri të madh njerëzish, idetë e suksesit të të cilëve janë të ndryshme, BusinessMag në këtë artikull ju sjell disa nga këshillat e tyre.
- Zbuloni se çfarë dashuroni dhe bëjeni atë
Oprah Winfrey: “Ju do ta kuptoni që jeni në rrugën e suksesit nëse bëni punën tuaj dhe nuk paguheni për të.”
Kjo është një këshillë e mirë për të kujtuar dhe menduar ndërsa jeni në punë.
Imagjinoni të jeni të suksesshëm në punën aktuale. Në fund ju ndoshta do ta gjeni veten duke punuar jashtëzakonisht shumë dhe kjo do të marrë shumë nga koha juaj. Nëse kjo është një punë që ju urreni, atëherë të qenit i suksesshëm në të mund të nënkuptojë vetëm të mbushni jetën tuaj me diçka që urreni ta bëni. Cili është kuptimi në këtë? Në vend të kësaj, pse të mos përqendroheni në diçka që dashuroni? Kur të keni gjetur atë gjë për të cilën jeni i apasionuar, ju merrni motivimin për të qenë në lëvizje. Sukses do të thotë përmbushja e ëndrrave tuaja.
Edhe nëse nuk jeni të suksesshëm ende, e keni mbushur kohën tuaj me diçka që doni të bëni. Shumë muzikantë të suksesshëm kaluan vitet e tyre të jetës duke dhënë shfaqje të papaguara, arsyeja e vetme ishte që ata vazhdonin të luanin, sepse donin të performonin.
- Mësoni se si të balanconi jetën
Phil Knight, CEO i Nike Inc .: “Ekziston një konflikt i pandryshueshëm në punë, në jetë dhe në biznes, një betejë e vazhdueshme midis paqes dhe kaosit. Nuk mund të mësohet se si të bëhet, por mund të kontrollohen. Mënyra se si veproni në lidhje me këtë është çelësi i suksesit.”
Shpesh, njerëzit mendojnë se për të qenë të suksesshëm, ata duhet ta bëjnë objektivin e suksesit jetën e tyre.
Nëse një person mendon se puna e tij do ta çojë drejt suksesit, atëherë ai do të kalojë orë të panumërta çdo ditë dhe mbrëmbje duke punuar.
Lexoni: Cilësia që i bën njerëzit e zakonshëm në CEO të suksesshëm
Megjithatë kjo vjen me koston e pushimit, shëndetit tuaj dhe të paturit e një jete të kënaqshme. Suksesi vjen nga ekulibri. Mendojeni si një ekuilibër midis pushimit dhe punës, ose punës dhe kënaqësisë.
- Mos kini frikë nga dështimi
Henry Ford, Themeluesi i Ford Motors: “Dështimi është thjesht një mundësi për të filluar përsëri, por këtë herë në mënyrë më inteligjente.”
Ka një histori, ndoshta e pakonfirmuar nëse ka ndodhur, por mesazhi brenda është padyshim i vërtetë:
Shpikja e llambës elektrike nga Thomas Edison ishte rezultat i disa qindra përpjekjeve të dështuara. Në një intervistë, ai u pyet “Si ndiheni pas të gjitha përpjekjeve tuaja të dështuara?”
Përgjigja e tij ishte e mrekullueshme, “nuk kam dështuar, thjesht kam mësuar qindra mënyra për të mos shpikur llambën.”
Ai e pa çdo “dështim” si një mësim. Prej atij mësimi mësoi se çfarë nuk do të funksiononte dhe gjithashtu çfarë do të funksiononte. Çdo përpjekje e dështuar, çdo refuzim, ishte hapi kyç në rrugën e tij drejt suksesit. Në çdo dështim është një mësim. Kushtojini vëmendje dështimeve tuaja, studiojini ato. Ndoshta atëherë ju do të mësoni se si të keni sukses.
- Jini person i veprave
Leonardo da Vinci, Gjeniu i Rilindjes: “Kam vënë re se njerëzit që arrijnë diçka rrallë janë ulur dhe kanë lejuar që gjërat të ndodhin vetë. Ata janë përpjekur që gjërat të ndodhin.”
Edhe pse u tha qindra vjet më parë, ajo funksionon po aq dhe sot. Vlen për çdo person të suksesshëm.
Mendoni për ditët e sotme:
Bill Gates ose Steve Jobs. Mënyra jonë e tanishme e jetës do të ishte thjesht ndryshe nëse ata nuk do të arrinin të bënin atë që bënë. Ju ndoshta jeni duke lexuar këtë artikull pikërisht nga një pajisje e krijuar nga ata. Ata panë mënyra për t’i bërë gjërat ndryshe dhe i realizuan ato. Ata formuan botën.
Mos kini frikë të dilni jashtë normës. Nëse mund të mendoni për një mënyrë më të mirë për të bërë diçka, bëjeni ashtu siç e mendoni. Nëse dështoni, provoni përsëri.
- Shmangni konfliktet
Theodore Roosevelt, Presidenti i 26-të i Amerikës: “Përbërësi më i rëndësishëm në formulën e suksesit është të dish se si të integrohesh me njerëzit.”
Udhëheqësit më të mirë dhe disa nga njerëzit më me ndikim (dhe Theodore Roosevelt është një nga udhëheqësit më të mirë dhe një nga njerëzit më me ndikim që kanë jetuar) nuk ishin ata që shkaktuan trazira, që luftuan me njerëz ose i shpërfillën njerëzit; por ishin njerëz që ishin miqësorë me ata rreth tyre.
Njerëzit i pëlqenin ata. Ata donin që të bënin mirë. Ky është çelësi për një udhëheqje të mirë.
Lexoni: Çfarë është suksesi?
Është logjike. Nëse dikush ju pëlqen, ata do t’ju ndihmojnë; nëse u jepni atyre një sugjerim, ata me kënaqësi do ta ndjekin atë.
- Besoni në aftësitë tuaja për të patur sukses
Walter Disney, themeluesi i Walt Disney Company: “Nëse mund ta ëndërrosh, mund ta bësh.”
Suksesi duhet të jetë diçka që mund ta imagjinoni veten duke e arritur atë.
Është e mundur që ju të hasni persona që dyshojnë tek ju dhe aftësinë tuaja për të pasur sukses. Ju nuk duhet të bëheni një nga këta njerëz, sepse momenti kur ju pushoni së besuari në ëndrrat është momenti që këto ëndrra dështojnë.
Vazhdo të ëndërrosh!
- Gjithmonë mbani një qëndrim pozitiv
Thomas Jefferson, Presidenti i 3-të i Amerikës: “Asgjë nuk mund ta ndalojë njeriun me qëndrimin e duhur pozitiv nga arritja e qëllimit të tij; asgjë në tokë nuk mund ta ndihmojë njeriun me qëndrim e gabuar mendor.”
Ashtu siç thotë edhe shprehja e mësipërme, duhet të keni besim në aftësinë tuaj për të pasur sukses. Kjo është mënyra e vetme për të kultivuar mendësinë e duhur.
Zëvendësoni mendimet negative me ato pozitive. Ju duhet t’i qaseni problemeve, jo si pengesa që ju ndalojnë, por thjesht detyra që duhet të plotësohen në mënyrë që të vazhdoni.
Nëse qëndroni pozitivë dhe mendoni kështu, pengesat nuk do të ndikojnë kaq shumë, dyshimet e njerëzve nuk do të ndikojnë tek ju dhe madje pengesat më të mëdha do të duken si probleme të vogla.
- Jini të gatshëm të punoni fort
JC Penny, Themelues i JC Penney Inc .: “Nëse nuk jeni të gatshëm të punoni fort përtej kapacitetit të një personi mesatar, ju thjesht nuk jeni të prerë për pozicionet më të mira.”
Ju mund të keni dëgjuar shprehjen se “suksesi është 1% frymëzim, 99% djersitje”. Cilado qoftë mënyra kjo do të thotë vetëm një gjë: Suksesi i vërtetë vjen nga puna.
Ju kurrë nuk do të bëheni të suksesshëm nëse nuk punoni drejt qëllimit tuaj në jetë dhe vazhdoni të punoni drejt tij.
- Jini mjaftueshëm të guximshëm për të ndjekur intuitën tuaj
Steve Jobs, Bashkëthemelues i Apple Inc .: “Kini guximin të ndiqni zemrën dhe intuitën tuaj. Ato tashmë e dinë se çka dëshironi të bëheni. Çdo gjë tjetër është dytësore.”
Lexoni: 5 mënyra për ta bërë fëmijën tuaj një lider më të mirë
Nëse besoni dhe dëshironi diçka, shanset janë që tashmë keni një ide se si të arrini atje. Nëse jo, natyrisht mund të dini se cilat gjëra do t’ju ndihmojnë dhe cilat gjëra do t’ju ngadalësojnë.
Është si mënyra se si trupi juaj zbulon rrezikun edhe kur gjërat duken të sigurta.
Në fund duhet t’i besoni instinkteve tuaja.
burimi: Lifehack
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
