Si të blejmë Bitcoins? - Business Magazine Albania

Si të blejmë Bitcoins?


Është lehtë të blesh Bitcoin. Mund të blesh gjëra me këtë monedhë nga interneti dhe në disa dyqane. Por, kini kujdes: Vlera e saj luhatet shumë, duke e bërë një investim të rrezikshëm.

Si të blini Bitcoin nga telefoni juaj?

Keni parë gjithë ato lajme për bitcoin-in dhe monedhat e tjera digjitale, të cilave po u rritet vlera. Mbase edhe dëshironi të hyni në lojë. Por si mund të filloni?

Por, para se të filloni, duhet ta dini se bitcoin-i nuk është pranuar si monedhë e rregullt në botë.

Të jetosh vetëm nga kjo monedhë nuk është e lehtë, siç ka provuar një gazetare e televizionit amerikan CNBC. Kjo pasi bitcoin-in mund ta përdorni online në disa dyqane, por për pjesën më të madhe është më mirë dhe më lehtë të paguash me para në dorë apo kartë krediti/debiti.

Duhet gjithashtu ta dini se bitcoin-i është më shumë një investim teorik me rrezik se sa një monedhë e vërtetë dhe vlera e tij mund të luhatet me të madhe, shkruan CNBC.

Edhe pse trendi i përgjithshëm është ngritur këta muajt e fundit, rëniet e vlerës së valutës nuk janë të pazakonta, si rasti i para disa ditëve kur vlera e bitcoinit ra për 20%.

Lexoni: Ja sa pritet të shkojë çmimi i Bitcoin në vitet e ardhshme

Nëse jeni ende të interesuar mund të filloni:

1. Shkarkoni aplikacionin “Coinbase”

2. Krijoni një llogari Coinbase

3. Shtoni një llogari për pagesë

Klikoni butonin “buy” (blej) në fund të ekranit dhe shtoni një llogari për pagesë. Kartelat e kreditit dhe debitit lejojnë blerje të menjëhershme, por të lejojnë të blesh vetëm një blerje prej 150 dollarësh në javë. Duke lidhur një llogari bankare mund të marrë 4 deri në 5 ditë për tregtim, por keni më shumë limite të blerjes më pas.

4. Tani jeni i gatshëm për të blerë. Shtypni butonin “Buy”(Blej) përsëri.

Këtë herë do të shihni një pamje, e cila ju tregon informacionet e llogarisë suaj. Në këtë pamje nëse blen bitcoin në vlerë prej 100 dollarësh në vlerën momentale të një bitcoini prej 2.780.51 dollarësh, do të marrësh 0,03692073 dollarë bitcoin. Është dhe një taksë prej 3,99 dollarësh. Tani vetëm shtypni dhe një herë butonin “Buy”.

Lexoni: Sa është vlera e pasurisë së miliarderëve në Bitcoin?

5. Mund të blini gjithashtu edhe Ethereum

Mund të përdorni të njëjtin aplikacion për të blerë Ethereum, një tjetër monedhë digjitale. Njësoj si me Bitcoin-in, jeni i limituar në sasinë e blerë për një ditë.

6. Përgatituni për thirrje paralajmëruese për mashtrim

Banka mund të të thërrasë dhe të pyesë nëse keni tentuar të blini Bitcoin. Vetëm pohoni se keni bërë blerjet dhe mund të vazhdoni.

Burimi: Insajderi

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0