Si mund të shmangin bizneset kontrollet tatimore duke pajtuar auditues të huaj? - Business Magazine Albania

Si mund të shmangin bizneset kontrollet tatimore duke pajtuar auditues të huaj?


Bizneset mund të shmangin kontrollet tatimore, nëse do të pajtojnë një nga 10 kompanitë e njohura audituese për të certifikuar bilancet e tyre financiare. Ministria e Financave ka publikuar listën me 10 kompani, auditimet e të cilave do të njihen zyrtarisht edhe për efekt të pagesës së taksave.

Në listë spikasin emra të njohur si “Deloitte”, “Kpmg” apo dhe “PricewaterhouseCoopers”, por mes tyre ka dhe kompani më pak të njohura.

Moduli i analizës së riskut që përdor administrata tatimore parashikon se bizneset, të cilat kanë deklarata të certifikuara nga kompanitë audituese klasifikohen me risk më të ulët.

Kjo bën që ato të shmangin thuajse tërësisht vizitat apo kontrollet e inspektorëve tatimorë dhe t’i paguajnë detyrimet e tyre në bazë të llogarive që certifikohen nga kompanitë audituese.

Njohja e auditimeve private për efekt të pagesës së taksave u lajmërua dy vjet më parë nga Kryeministri Edi Rama si një masë lehtësuese për biznesin.

Sipas Ministrisë së Financave, përveç lehtësimit të biznesit kjo masë ul korrupsionin, por edhe kostot si për administratën tatimore ashtu dhe biznesin.

burimi: Top-channel

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0