Shpenzimet e familjeve/ Gjysma shkojnë për ushqime, pjesa tjetër për shëndetësinë. Më pak para harxhohen për argëtim dhe kulturë - Business Magazine Albania

Shpenzimet e familjeve/ Gjysma shkojnë për ushqime, pjesa tjetër për shëndetësinë. Më pak para harxhohen për argëtim dhe kulturë

INSTAT ka publikuar të dhënat nga anketa e buxhetit të familjes, e cila llogarit kosto që ka një familje me katër persona në Shqipëri për të jetuar.

Nga të dhënat shihet se kostoja e një familje ka shkuar në 83.475 lekë gjatë 2020-ës, 1.5% më shumë se viti 2019, kur qëndronte në nivelin  e 82.235 lekëve.

Grupet kryesore që kanë ndikuar në rritjen e shpenzimeve për familjet shqiptare janë shëndetësia dhe ushqimet. Për shëndetësinë, shqiptarët kanë harxhuar 28% më shumë se vitin e kaluar që në shifra reale përkthehet në rreth 100 mijë lekë të vjetra më shumë.

Ndërsa për ushqime, familjet harxhojnë 41.6% gati gjysmën e të ardhurave të tyre, të cilat vijnë me rritje 0.3% nga viti i kaluar. Grupi ku shpenzimet janë ulur më shumë është argëtimi dhe kultura, me ulje 26%.

Lexo: Inflacioni po rritet “frikshëm”! Kush fiton dhe humbet nga situata e rritjes së çmimeve

Nga viti në vit, shpenzimet e familjeve rriten në të njëjtën normë me nivelin e inflacionit. Duke parë krizën e re energjetike dhe rritjen e çmimeve në pothuajse të gjithë sektorët e ekonomisë pritet që inflacioni të shkojë deri në 4% këtë vit në vendin tonë. Kjo do të sillte një “furtunë” të vërtetë në shpenzimet familjare, teksa zëri që pritet të preket më shumë është shpenzime për banesën ku përfshihen energjia, uji dhe lëndët djegëse.

Ndërkohë në vitin 2020, në qarkun e Tiranës paraqet shpenzimet mesatare më të larta mujore për konsum. Një familje në qarkun e Tiranës shpenzon për konsum mesatarisht 98.737 lekë në muaj ndjekur nga Korça me 83.160 lekë dhe Fieri me 79.839 lekë në muaj.

Ndërsa, qarqet me nivel më të ulët të shpenzimeve mesatare mujore për konsum janë qarku i Kukësit me 70.252 dhe i Dibrës me 71.135 lekë në muaj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0