Pse po e përdor Coca-Cola Jennifer Aniston për reklamën e Smartwater?


Marka Smartwater e Coca-Cola është marka me çmim premium në Shtetet e Bashkuara. Tani, gjigandi i pijeve dëshiron t’i sigurojë markës ruajtjen e pozicionit udhëheqës në treg.

Këtë pranverë, gjigandi i pijeve do të zbulojë një fushatë të re reklamimi ku do të luajë aktorja Jennifer Aniston, e cila ka shërbyer si ambasadore e markës dhe ka qenë në reklamat e Smartwater në të kaluarën.

Fushata e cila do të shfaqet në revistat e shtypura, në platformat dixhitale dhe sociale, por jo në televizion, fokusohet në ” shijen e pastër dhe pastërtinë “e markës, thotë Coca-Cola. Ajo përmban katër momente nga Aniston, duke përfshirë një ecje me qenin e saj dhe ndërkohë që ajo është duke ecur në tapetin e kuq. Natyrisht, në të dyja fotot, Aniston është duke mbajtur një shishe Smartwater.

Vendimi i Coca-Cola për të lançuar një reklamë të re të Smartwater duke shfaqur një njeri të famshëm vjen si pasojë e konkurrencës pasi konsumatorët po e pëlqejnë më shumë këtë kategori dhe po largohen nga pijet me gaz. Amerikanët tani pijnë më shumë ujë në shishe se sa pije me gaz si Coca-Cola, PepsiCo dhe Nestle, të gjitha në përpjekje të përfitimit nga ky trend.

Por brenda industrisë së ujit, ka dhe të ashtuquajtur kategori “premium”. Ujërat Premium kanë dizajne tërheqëse dhe çmim më të lartë. Tregu ka vlerë rreth 2.8 miliardë $ vetëm në SHBA dhe Smartwater komandon rreth 45% të këtij nën-segmenti. Fiji renditet e dyta me 19%, pasuar nga 12% të tregut e Nestle me San Pellegrino.

Kjo kategori është bërë edhe më popullore, pasi PepsiCo vitin e kaluar debutoi me ujin premium të kompanisë, të quajtur LIFEWTR. PepsiCo zhvilloi një reklamë në Super Bowl për të mbështetur markën e re.

Fushata e re e Coca-Cola është me siguri një përgjigje ndaj një konkurrenti të madh, i cili po shpenzon miliona $ për të rritur tregun. Organizata “Beverage Digest” ka raportuar se krijimi i një marke uji të suksesshme premium kërkon “një investim shumë më të lartë sesa thjesht të futesh në industrinë e ujit”.

Produkti duhet të sigurojë një arsye përse konsumatorët duhet të preferojnë një markë në krahasim me një tjetër.” Përdorimi i të famshmëve është një nga mënyrat kryesore që një markë si Smartwater mund të qëndrojë në treg.

Tani për tani, ajo çfarë po bën Cola me Smartwater është duke funksionuar. Gjigandi i pijeve e ka në pronësi markën që prej një dekade, që kur ajo bleu Glaceau, krijuesin e Vitaminwater. Kjo marrëveshje erdhi edhe me Smartwater, një markë që gëzonte një fitim dyfish në vëllim vitin e kaluar në tregun kryesor, në Amerikën e Veriut. Së bashku me Vitaminwater dhe markën për përdorim të përditshëm, Fairlife, portofoli i diversifikuar i kompanisë e ka ndihmuar atë në rritjen në Amerikën e Veriut në vitin 2016.

Burimi: fortune.com

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale