Pse femrat ndryshe nga meshkujt pa kuptuar penalizojnë startup-et e tyre?


Bota e investimeve të ndërmarrjeve të vogla që riskojnë, për sa i përket faktit se kush jep më shumë para dhe se kush e merr pjesën më të madhe të tyre, anon drejt meshkujve. Sipas studimit të vitit të fundit nga Crunchbase, gratë përbëjnë vetëm 7% të partnerëve në 100-ëshen e parë të listës së firmave të këtij lloji. Dhe në 2016, themelueset femra rezultojnë të kenë marrë pak më shumë se 2% të fondit të VC-s.

Çfarë fshihet pas këtyre shifrave kaq të ndryshme? Një kërkim i fundit i ndërmarrë nga studiues të Shkollës së Biznesit të Kolumbisë dhe Wharton School të Universitetit të Pensilvanisë, konstatoi se natyra e pyetjeve drejtuar themeluesve meshkuj dhe femra ndryshojnë tej mase dhe si rrjedhojë kanë edhe ndikim në shumën e parave që marrin themelueset femra.

Lexoni: A po përmirësohen gjërat për femrat në biznes?

Studiuesit hulumtuan marrëdhënien mes 140 sipërmarrësve kapitalistë (60% e të cilëve meshkuj dhe 40% e tyre femra) dhe 189 sipërmarrësve (12% e të cilëve ishin femra) në pikën kulmore të seancave të TechCrunch Disrupt në New York. Së fundmi ata zbuluan, se ndërkohë që niveli i kompanive ishte pothuajse njëlloj përsa i përket shumës së parave që ato kërkonin, kompanitë me themelues meshkuj ishin rritur 5 herë më shumë se startup-et e drejtuara nga femrat.

Konkretisht, ndërkohë që meshkujt merreshin me pyetjet rreth potencialeve të kompanisë së tyre për sukses, femrat drejtoheshin nga pyetjet sesi mund të shmangin krizat dhe dështimet. 67% e pyetjeve drejtuar themeluesve meshkuj, sipas përshkrimit të studiuesve të Harvard Business Review, ishin “të orientuara nga promovimi”, por 66% e pyetjeve drejtuar themelueseve femra ishin pyetje “të orientuara nga parandalimi i fenomeneve”.

Kur meshkujve u drejtoheshin pyetje të tilla si: “Si planifikoni ta monetizoni këtë?” kur bëhet fjalë për shitjet, femrat pyeteshin “Sa kohë do t’ju duhet që të shkëputeni, ose të parandaloni këtë fenomen?”. Përsa i përket të ardhmes, meshkujt pyeteshin se “Çfarë eventesh të rëndësishme synoni për këtë vit?”, ndërkohë që femrat pyeteshin “Sa të parashikueshme janë prurjet tuaja të ardhshme cash?”

Në momentin që sipërmarrësit bllokoheshin në atë vorbull, ishte e vështirë të dilje që aty. 85% e përgjigjeve të themeluesve ishte në përputhje me atë që kërkohej nga pyetjet. Një pyetje me natyrë parandaluese merrte një përgjigje të kësaj natyre.

Lexoni: “ICT Femra e Vitit,” Blerta Thaçi: “Vizioni ynë është që të krijojmë një sektor pa paragjykime të IT-së në Kosovë dhe rajonin e Ballkanit”

Themeluesit, të cilët u pyetën kryesisht me pyetje që kërkonin informacion rreth disfatave, u rritën me një mesatare prej 2.3 milionë dollarësh, ndërkohë që sipërmarrësit të cilëve iu drejtuan pyetje të cilat synonin informacion rreth zhvillimit, u rritën më një mesatare prej 16.8 milionë $.

“Duke iu përgjigjur pyetjeve të kësaj natyre promovuese, sipërmarrësit meshkuj përforconin lidhjen e tyre me bashkësinë e preferueshme të përfitimeve; femrat sipërmarrëse të cilat u përgjigjen pyetjeve duke dhënë informacion rreth humbjeve dhe planeve parandaluese, pa kuptuar penalizojnë startupet e tyre duke bërë që të mbeten në fushën e humbjeve dhe dështimeve.”– shpjegojnë studiuesit në Harvard Business Review.

Me këtë informacion që kanë në duar, studiuesit realizuan një eksperiment sipas kushteve të hulumtuara, gjatë seancave më kulmore, duke rekrutuar 194 investues dhe 106 njerëz të zakonshëm. 30% e sipërmarrësve kapitalë ishin femra, që përbënin edhe 47% të njerëzve të zakonshëm. Të dy grupet e investuesve, pjesë e eksperimentit përfunduan duke dhënë rreth 30.000$ më shumë tek sipërmarrësit që dhanë përgjigje që kishin në thelb promovimin, se ata që dhanë përgjigje rreth masave parandaluese për situata të ndryshme.

burimi: Entrepreneur

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale