Numri i pajisjeve të lidhura me internet po rritet në mënyrë drastike dhe në të njëjtën mënyrë po rriten dhe kërcënimet mbi to.
Jashtë këtij rreziku nuk mbeten as televizorët “inteligjentë” ose siç njihen gjerësisht “Smart TV”.
Mjafton një gabim nga përdoruesi i pajisjes, sidomos kur kjo e fundit lidhet me internetin dhe ato janë potencial për të rënë pre e sulmeve kibernetike.
Sulmet e fundit janë aq të sofistikuara saqë dhe kompanitë që prodhojnë “Smart Tv” nuk kanë arritur të gjejnë një zgjidhje. Hakerat kanë publikuar dhe kodin sesi mund të aksesojnë televizorët tuaj, por nuk po e publikojmë materialin filmik për të shmangur keqpërdorimin e këtij kodi. Ky është vetëm një imazh e një pjese të këtij kodi.
Pas një hakimi të televizorit tuaj as një “restart” dhe as një rikthim i pajisjes në gjendjen fillestare nuk do të largonte virusin prej saj. Ai do të veprojë gjatë gjithë kohës në “background”.
Një herë i sulmuar dhe sulmuesi mund të ketë kontrollin e televizorit tuaj duke ju shfaqur në ekran përmbajtjen që ata dëshirojnë.
Por jo vetëm kaq! Personat që kryejnë këto sulme mund të kryejnë përgjime në ambientet tuaja të shtëpisë, t’iu filmojnë nëse ekranin e keni me kamera e madje dhe të marrin të dhëna të tjera tuajat si “passwordet” e llogarive të “Facebook-ut” dhe “e-mail-eve” nëse ju keni hyrë më parë në to nga navigimi në televizorin tuaj.
burimi: lajmifundit
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
