Ministrja e Financave dhe Ekonomisë, Delina Ibrahimaj ka deklaruar se është miratuar projekt vendimi për programet e nxitjes së punësimit që lidhen me skemën e garancisë rinore.
Duke folur para gazetarëve pas mbledhjes së qeverisë, Ibrahimaj u shpreh se ky program do t’u drejtohet aftësimit dhe punësimit të të gjithë të rinjve në Shqipëri në moshat 15-29 vjeç.
Sipas Ibrahimajt, i gjithë ky proces mbështetet nga fondet e buxhetit të shtetit në bashkëpunim me fondet e Bashkimit Evropian.
“Miratimi i projekt vendimit për programet e nxitjes së punësimit që lidhen me skemën e garancisë rinore. Ne kemi folur gjatë gjithë këtij viti dhe vitit të kaluar për programin e garancisë rinore, i cili do t’i drejtohet aftësimit dhe punësimit të të gjithë të rinjve në Shqipëri në moshat 15-29 vjeç.
lexo: Ankandi i pazakontë – Salla e gjyqit francez nis shitjen e mallrave luksoze të sekuestruara nga tregtarët e drogës!
Konkretisht, programi do t’i referohet kësaj grupmoshe e cila ka një papunësi më të lartë se papunësia e përgjithshme e vendit dhe do t’i drejtohet duke i ofruar çdo të riu, i cili ka të paktën 4 muaj pa një punë apo një program arsimimi, duke i ofruar programe të aftësimit nëpërmjet kurseve të formimit profesional apo një vend pune”, u shpreh Ibrahimaj.
Ibrahimaj vuri në dukje se do të ketë lehtësi për bizneset që do të punësojnë një të ri të moshë 15-29 vjeç.
“Të gjitha bizneset që do të punësojnë një të ri të moshës 15-29 vjeç që janë pjesë e këtij programi, do të paguhet 20% e kohës e personit që do të merret me trajnimin e të rinjve dhe të rinjve do t’u paguhet edhe transporti, deri në masën 1600 lekë nëse banojnë më shumë se 2 km larg nga vendi i punës apo vendi i formimit profesional”, shpjegoi ajo.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
